ബീജിംങ് : ചൈനീസ് പ്രസിഡന്റ് ഷിജിന്‍പിംങ്ങിന് പ്രധാനമന്ത്രി നരേന്ദ്രമോദി സമ്മാനമായി നല്‍കിയത് ബുദ്ധന്റെ അവശേഷിപ്പുകളും പ്രതിമയുമടങ്ങിയ കല്ലുകൊണ്ടുള്ള പെട്ടി. എഡി മൂന്നിനും നാലിനും നൂറ്റാണ്ടിനിടയില്‍ ബുദ്ധനും അനുയായികളും ഉപയോഗിച്ചുന്നതാണ് ഇവയെന്നാണ് കണ്ടെത്തല്‍. 1957ല്‍ ഗുജറാത്തിലെ വഡ്‌നഗറില്‍ നിന്നും 80 കിലോമീറ്റര്‍ ദൂരെയായി ദേവ് -നി- മോനിയില്‍ നിന്നും പൂരാവസ്തു ഗവേഷകര്‍ കണ്ടെത്തിയ ശേഷിപ്പുകളാണ് ഇവ.
ഇതോടൊപ്പം ബൂദ്ധമത വിശ്വാസിയും ചൈനീസ് യാത്രികനുമായ ഷ്വാന്‍സാങ് സന്ദര്‍ശിച്ച സ്ഥലങ്ങളുടെ ചിത്രവും ഇതോടൊപ്പം മോദി ഷിജിന്‍ പിംങ്ങിനു കൈമാറി. 641 എഡിയില്‍ ഷാവാന്‍സാംങ് ബുദ്ധമതഗ്രന്ധങ്ങളും ക്ഷേത്രങ്ങളും തേടി ലോകം ചുറ്റി സഞ്ചരിച്ചിട്ടുള്ളതായാണ് കരുതപ്പെടുന്നത്. ഷാവാന്‍സാങ്ങിന്റെ യാത്രാ വിവരണങ്ങളും മറ്റും വഡ്‌നഗറിലെ ബുദ്ധകേന്ദ്രത്തില്‍ സൂക്ഷിച്ചിരുനെന്നാണ് വിലയിരുത്തുന്നത്. പൂരാവസ്തു ഗവേഷകര്‍ പ്രദേശത്ത് നടത്തിയ തെരച്ചിലില്‍ ഇതു തെളിയിക്കുന്ന അവശിഷ്ടങ്ങളും മറ്റും കണ്ടെടുത്തിട്ടുണ്ട്.
ചൈനാ സന്ദര്‍ശനത്തിനിടെ പ്രധാനമന്ത്രി ഷാന്‍സായി പ്രവിശ്യയിലെ ചൈനയിലെ ഏറ്റവും വലിയ ബുദ്ധ ക്ഷേത്രത്തിലും ദര്‍ശനം നടത്തി. ഷ്വാന്‍സാംങിന്റെ ബുദ്ധമതവുമായി ബന്ധപ്പെട്ടുള്ള ഒട്ടേറെ വിവരങ്ങള്‍ ഈ ക്ഷേത്രത്തിലുമുണ്ട്. അടുത്തിടെ നടത്തിയ ഗവേഷണങ്ങളില്‍ വഡ്‌നഗറുമായി ബന്ധപ്പെട്ട ചില രേഖകളും ഇവിടെ നിന്നും കണ്ടെടുത്തിരുന്നു.
ഷ്വാന്‍ സാംങ്ങിന്റെ രചനകളില്‍ വഡ്‌നഗറില്‍ പത്ത് മഠങ്ങളിലായി 1000ല്‍ അധികം സന്യാസികള്‍ താമസിച്ചിരുനെനെന്നും ഇവലരുടെ നേതൃത്വത്തില്‍ സ്‌കൂളും നടത്തിയിരുന്നതായി രേഖപ്പെടുത്തിയിട്ടുണ്ട്. കൂടാതെ ഈ സ്‌കൂളുകളിലേക്ക് വിദ്യാര്‍ത്ഥികള്‍ക്കെത്തുന്നതിനായി വാഹനവും ഏര്‍പ്പാടാക്കിയിരുന്നു. പശ്ചിമ ഭാരതത്തില്‍ സ്ഥിതിചെയ്യുന്ന വാദ്‌നഗര്‍ പ്രധാന ബുദ്ധ കേന്ദ്രമായാണ് കരുിതപ്പെടുന്നത്. കൂടാതെ ഇവിടെ കേന്ദ്രീകരിച്ച് രണ്ട് വ്യാപാര കേന്ദ്രങ്ങളും പ്രവര്‍ത്തിച്ചിരുന്നു. ഇതില്‍ ഒരെണ്ണം സിന്ധ് പ്രവിശ്യയിലും മറ്റൊന്ന് ഗുജറാത്ത് തീരത്തുനിന്നും രാജസ്ഥാനിലേക്കുള്ള മാര്‍ഗത്തിലാണ്.
