വാഷിങ്ടണ്: പാരീസിലെ ഷാര്ലി എബ്ഡോ വാരികയിലെ ആക്രമണത്തിന്റെ ഉത്തരവാദിത്വം ഏറ്റെടുത്ത അല്ഖ്വയ്ദയുടെ ഉന്നത നേതാവ് യുഎസ് ആക്രമണത്തില് കൊല്ലപ്പെട്ടതായി റിപ്പോര്ട്ട്.
യെമനില് നടക്കുന്ന അമേരിക്കയുടെ വ്യോമാക്രമണത്തിലാണ് ഭീകരന് നാസര് ബിന് അല് അന്സിയും മകനും കൊല്ലപ്പെട്ടത്. എസ്ഐടിഇ ഇന്റലിജന്സ് ഗ്രൂപ്പ് പുറത്തുവിട്ട വീഡിയോയിലാണ് ഇക്കാര്യം പറഞ്ഞിരിക്കുന്നത്.
അമേരിക്ക ഡോണ് വിമാനങ്ങളാണ് ഭീകരര്ക്കെതിരെ ആക്രമണത്തിന് ഉപയോഗിക്കുന്നത്. ഇയാളുടെ മരണത്തോടെ ആഗോള ഭീകരസംഘങ്ങള്ക്കെതിരെയുള്ള നീക്കങ്ങള് കൂടുതല് ശക്തമാക്കുവാനാണ് അമേരിക്കയുടെ തീരുമാനം.
അല്ഖ്വയ്ദ അറേബ്യന് പെനിന്സുല (എക്യുഎപി) യുടെ വടക്കന് യെമനിലെ കമാന്ഡറാണ് ആന്സിയെന്നാണ് അമേരിക്ക പറയുന്നത്. അതേസമയം ഈ ഭീകരന് കൊല്ലപ്പെട്ട കാര്യം അമേരിക്കന് വക്താവ് സ്ഥിരീകരിക്കാന് തയ്യാറായിട്ടില്ല.
ഷാര്ലി എബ്ഡോ വാരികയിലെ ഭീകരാക്രമണത്തില് പത്രപ്രവര്ത്തകരും പോലീസുമുള്പ്പടെ 17 പേരാണ് കൊല്ലപ്പെട്ടത്.
