കോട്ടയം: ബിജെപി രാഷ്ട്രീയ പ്രചാരണ ജാഥയ്‌ക്ക് വൈക്കത്ത് ഉജ്ജ്വല തുടക്കം. അഴിമതിക്കും ഒത്തുതീര്‍പ്പുരാഷ്‌ട്രീയത്തിനും വികസന മുരടിപ്പിച്ചിനുമെതിരെ സംസ്ഥാന വ്യാപകമായി നടത്തുന്ന പ്രചാരണ പരിപാടികളുടെ ഭാഗമാണ് ജാഥ. ജില്ലാ പ്രസിഡന്റ് ഏറ്റുമാനൂര്‍ രാധാകൃഷ്ണന്‍ നേതൃത്വം നല്‍കുന്ന ജാഥ ദേശീയ സമിതിയംഗം സി.കെ. പത്മനാഭന്‍ ഉദ്ഘാടനം ചെയ്തു.
കേരളത്തിലെ ഇടതും വലതും മുന്നണികള്‍ നടത്തുന്ന ഒത്തുകളി രാഷ്‌ട്രീയമാണ് കേരളത്തിന്റെ വികസന മുരടിപ്പിന് കാരണമെന്ന് ബിജെപി ദേശീയ നിര്‍വ്വാഹകസമിതിയംഗം സി.കെ. പത്മനാഭന്‍ പറഞ്ഞു. ആത്മാര്‍ത്ഥയും സത്യസന്ധതയും ഉണ്ടായിരുന്നെങ്കില്‍ സമസ്ത പ്രശ്‌നങ്ങളും പരിഹരിച്ച് കേരളത്തെ വികസനത്തിലേക്ക് നയിക്കാനുള്ള അവസരം രണ്ടുമുന്നണികള്‍ക്കും കേരളജനത പലവട്ടം നല്‍കിയിട്ടുണ്ട്. എന്നിട്ടും വികസനരംഗത്ത് കേരളം ഏറ്റവും പിന്നില്‍ നില്‍ക്കുന്നത് ഇരുമുന്നണികളുടെയും ദുര്‍ഭരണത്തിന്റെ ഫലമായാണ്. വിദ്യാഭ്യാസ വകുപ്പ് മുസ്ലീംലീഗിന് അടിയറ വച്ചതിന്റെ ഫലമായി എസ്എസ്എല്‍സി പരീക്ഷാഫലം തികച്ചും അലങ്കോലമായി. നാലുലക്ഷത്തില്‍പ്പരം കുട്ടികളുടെ ഭാവി അപകടത്തിലാക്കിയ വിദ്യഭ്യാസ മന്ത്രിയുടെ പേരില്‍ ക്രിമിനല്‍കുറ്റത്തിന് കേസെടുക്കണം.
16-ാം ലോകസഭാ തെരഞ്ഞെടുപ്പിനുശേഷം ഭാരതത്തിലുണ്ടായ രാഷ്ട്രീയ പരിവര്‍ത്തനത്തിന്റെ പ്രാധാന്യവും ശക്തിയും കേരളവും വേണ്ടത്ര തിരിച്ചറിഞ്ഞില്ല. നരേന്ദ്രമോദിയുടെ നേതൃത്വത്തില്‍ ഭാരതം മുന്നോട്ടുകുതിക്കുമ്പോള്‍ അന്ധമായ ബിജെപി വിരോധത്തിന്റെ പേരില്‍ യുഡിഎഫും എല്‍ഡിഎഫും കേരളത്തെ പിന്നോട്ട് ചവിട്ടുകയാണ്. ഈ അവസരത്തില്‍ ബിജെപി ജില്ലാ അദ്ധ്യക്ഷന്മാര്‍ നയിക്കുന്ന രാഷ്ട്രീയ പ്രചാരണ ജാഥകള്‍ കേരളത്തില്‍ ഒരു മാറ്റത്തിന് തുടക്കം കുറിക്കുമെന്നും അദ്ദേഹം പറഞ്ഞു. ബിജെപി വൈക്കം നിയോജകമണ്ഡലം പ്രസിഡന്റ് ടി.വി. മിത്രലാല്‍ അദ്ധ്യക്ഷത വഹിച്ച യോഗത്തില്‍ സംസ്ഥാന സെക്രട്ടറി അഡ്വ. നാരായണന്‍ നമ്പൂതിരി, സംസ്ഥാന ട്രഷറര്‍ എം.ബി. രാജഗോപാല്‍, ജില്ലാ ജനറല്‍ സെക്രട്ടറിമാരായ കെ.എം. സന്തോഷ്‌കുമാര്‍, എന്‍.ഹരി, നേതാക്കളായ പ്രൊഫ. ബി. വിജയകുമാര്‍, പി.കെ. രവീന്ദ്രന്‍, എം.ആര്‍. ഷാജി, എന്‍.കെ. ശശികുമാര്‍, ടി.ആര്‍. നരേന്ദ്രന്‍, രാജന്‍ മേടക്കല്‍, ബി. കൃഷ്ണകുമാര്‍, ലിജിന്‍ലാല്‍, രമേശ് കാവിമറ്റം, കോര സി. ജോര്‍ജ്, എസ്. രതീഷ്, ജയപ്രകാശ്, ജിജോ ജോസഫ്, ടി.എന്‍. ഹരി, നോബിള്‍ മാത്യു, കെ.വി. നാരായണന്‍, സി.എന്‍. സുബാഷ്, എന്‍.വി. ബൈജു, ടി.പി. ജയപ്രകാശ്, വി.സി. അജികുമാര്‍, മോഹനന്‍ പനയ്‌ക്കല്‍, വി. ഷൈലേഷ് തുടങ്ങിയവര്‍ പ്രസംഗിച്ചു.
ജാഥ ഇന്നുമുതല്‍ പ്രയാണം ആരംഭിക്കും. ജില്ലയിലെ പ്രധാനപ്പെട്ട 70 കേന്ദ്രങ്ങളില്‍ സ്വീകരണം നല്‍കും. എല്ലാ സ്വീകരണസ്ഥലങ്ങളിലും ബിജെപി പഞ്ചായത്തു കമ്മറ്റികളുടെ നേതൃത്വത്തില്‍ വന്‍ സമ്മേളനങ്ങളാണ് നടക്കുന്നത്.
ഇന്ന് വൈക്കം, കടുത്തുരുത്തി നിയോജകമണ്ഡലങ്ങളിലെ നാനാടം, ടോള്‍ ജങ്ഷന്‍, ബ്രഹ്മമംഗലം, വടകര, പെരുവ, കടുത്തുരുത്തി, കുറവിലങ്ങാട്, ഉഴവൂര്‍, മരങ്ങാട്ടുപിള്ളി, വയല, വട്ടുകുളം എന്നിവിടങ്ങളിലെ സ്വീകരണങ്ങള്‍ക്കുശേഷം കിടങ്ങൂരില്‍ സമാപിക്കും. സമാപന സമ്മേളനം ബിജെപി സംസ്ഥാ ന വക്താവ് വി.വി. രാജേഷ് ഉദ്ഘാടനം ചെയ്യും. വിവിധ സ്വീകരണസമ്മേളനങ്ങളില്‍ സംസ്ഥാന സെക്രട്ടറി അഡ്വ. നാരായണന്‍ നമ്പൂതിരി, കെ.ജി. രാജ്‌മോഹന്‍, ഷാജമോന്‍ വട്ടേക്കാട്, പി.കെ. രവീന്ദ്രന്‍, പ്രൊഫ. ബി. വിജയകുമാര്‍, ടി.എന്‍. ഹരികുമാര്‍, എം.ആര്‍. ഷാജി, എന്‍. ഹരി, കെ.എം. സന്തോഷ്‌കുമാര്‍, അഡ്വ. നോബിള്‍ മാത്യു തുടങ്ങിയ നേതാക്കള്‍ സംസാരിക്കും.
പ്രചാരണജാഥ നാളെ പാലാ, പൂഞ്ഞാര്‍
മണ്ഡലങ്ങളില്‍
കോട്ടയം: ബിജെപി ജില്ലാ പ്രസിഡന്റ് ഏറ്റുമാനൂര്‍ രാധാകൃഷ്ണന്‍ നയിക്കുന്ന രാഷ്ട്രീയ പ്രചാരണജാഥ നാളെ പാലാ, പൂഞ്ഞാര്‍ മണ്ഡലങ്ങളില്‍ പര്യടനം നടത്തും. പാലാ നിയോജകമണ്ഡലത്തിലെ മാനത്തൂര്‍ സ്‌കൂള്‍ ജങ്ഷനില്‍ നിന്നും ആരംഭിക്കുന്ന ജാഥയ്‌ക്ക് രാമപുരം, കരൂര്‍, പാലാ ടൗണ്‍, മുത്തോലി, മേവിട, പൈക, ഭരണങ്ങാനം, പനയ്‌ക്കപ്പാലം, എന്നിവിടങ്ങളില്‍ സ്വീകരണം നല്‍കും. തുടര്‍ന്ന് പൂഞ്ഞാര്‍ നിയോജകമണ്ഡലത്തിലെ ഈരാറ്റുപേട്ട, തിടനാട്, പാറത്തോട്, മുണ്ടക്കയം, എന്നിവിടങ്ങളിലെ സ്വീകരണങ്ങള്‍ക്കുശേഷം കൂട്ടിക്കലില്‍ സമാപിക്കും. കൂട്ടിക്കലില്‍ നടക്കുന്ന സമാപന സമ്മേളനം സംസ്ഥാനവൈസ് പ്രസിഡന്റ് പി.എം. വേലായുധന്‍ ഉദ്ഘാടനം ചെയ്യും.
സംസ്ഥാന വൈസ് പ്രസിഡന്റ് അഡ്വ. ജോര്‍ജ് കുര്യന്‍, ജില്ലാ വൈസ് പ്രസിഡന്റ് പി.ജി. ബിജുകുമാര്‍, ടി.ആര്‍. നരേന്ദ്രന്‍, എന്‍.കെ. ശശിധരന്‍, രാജന്‍ മേടക്കല്‍, രമേശ് കാവിമറ്റം, ടി.എ. ഹരികൃഷ്ണന്‍, ലിജിന്‍ ലാല്‍, കോര സി. ജോര്‍ജ്, ജിജോ ജോസഫ് തുടങ്ങിയവര്‍ വിവിധ സ്വീകരണയോഗങ്ങളില്‍ പ്രസംഗിക്കും.
പ്രതികരിക്കാൻ ഇവിടെ എഴുതുക: