480. പൃഥ്യപ്തേജോവായ്വാകാശപ്രതിഷ്ഠാഃ – പൃഥ്വി, അപ്പ്, തേജസ്സ്, വായു, ആകാശം എന്നിവയ്ക്ക് ആധാരമായവള്. പൃഥ്വി, അപ്പ്, തേജസ്സ്, വായു, ആകാശം എന്നിവയാണു പഞ്ചഭൂതങ്ങള്. ഇവ പല അനുപാതത്തില് ചേര്ന്നാണ് പ്രപഞ്ചം രൂപപ്പെട്ടത്. ആദ്യമുണ്ടായവയും സര്വാധാരമായവയും ആകയാല് അവയ്ക്ക് ഭൂതങ്ങള് എന്ന പേര്. അഞ്ചെണ്ണമാകയാല് പഞ്ചഭൂതങ്ങള്, എല്ലാ സൃഷ്ടിക്കും ആധാരമായ പഞ്ചഭൂതങ്ങളെ സങ്കല്പമാത്രം കൊണ്ടു സൃഷ്ടിക്കുകയും അവയ്ക്കും അവയുടെ മൂര്ത്തരൂപമായ പ്രപഞ്ചത്തിനും ആധാരമായി വര്ത്തിക്കുകയും ചെയ്യുന്നതിനാല് അവയ്ക്കു പ്രതിഷ്ഠ നല്കുന്നവളായി ദേവിയെ സ്തുതിക്കുന്നു.
പ്രകൃതിയിലുള്ള ഏതു വസ്തുവിനും ജീവിക്കും കാരണമായും ആധാരമായും മറ്റൊന്നിനെ കണ്ടെത്താനാകും. ഈ ആധാരാധേയ ബന്ധം തുടര്ന്നും പരിശോധിച്ചാല് സര്വാധാരമായ ഒരു ചൈതന്യത്തെ സങ്കല്പിക്കേണ്ടിവരും. നമ്മുടെ ജ്ഞാനത്തിനു വഴങ്ങാത്ത ആ ചൈതന്യത്തെ പരാശക്തി എന്നോ പരബ്രഹ്മമെന്നോ പറയാം. ആ ചൈതന്യമാണ് മൂകാംബികാക്ഷേത്രത്തില് ശിവശക്തൈ്യരൂപിണിയായി വര്ത്തിക്കുന്നത്.
481. പ്രകടാകൃതിഃ – ദേവിക്ക് രൂപവും നാമവും ഉത്പത്തിയും നാശവും ആധാരവും ഇല്ല. എങ്കിലും ദേവിയുടെ സൃഷ്ടിയായ ഈ പ്രപഞ്ചത്തിലുള്ള വസ്തുക്കള്ക്കും ജീവികള്ക്കും പ്രതിഭാസങ്ങള്ക്കും പ്രകടമായ ആകൃതിയും പ്രവര്ത്തനവുമുണ്ട്. അതെല്ലാം ദേവിയുടെ ആകൃതികളാണ്. ആകൃതിയില്ലാത്ത ദേവി പ്രകടാകൃതിയുമാണ്.
482. പഞ്ചഭൂതാത്മികാഃ – പഞ്ചഭൂതങ്ങളും പഞ്ചഭൂതസംഘാതമായ പ്രപഞ്ചവും പ്രപഞ്ചത്തിലെ ഓരോ അണുവും ദേവീരൂപമാണ്. പഞ്ചഭൂതങ്ങളായും പഞ്ചഭൂതസംഘടിതമായ ലോകമായും വിരാജിക്കുന്ന ദേവിയെ സ്തുതിക്കുന്ന നാമം.
483. പഞ്ചപ്രാണസംഘപ്രവര്ത്തിനീഃ – പഞ്ചപ്രാണങ്ങളുടെ സംഘത്തെ പ്രവര്ത്തിപ്പിക്കുന്നവള്. ജഡത്തെ ജീവിയാക്കുന്ന ആത്മചൈതന്യം അഞ്ചുപ്രാണന്മാരുടെ രൂപത്തിലാണു ശരീരത്തില് പ്രവര്ത്തിക്കുന്നത്. പ്രാണന്, അപാനന്, സമാനന്, ഉദാനന്, വ്യാനന് എന്നു പഞ്ചപ്രാണന്മാര്ക്കു പേരുകള്. ഓരോ പ്രാണന്റെയും പ്രവര്ത്തനത്തെ ഇങ്ങനെ സംഗ്രഹിക്കാം. 1. പ്രാണന്- ഹൃദയത്തില് സ്ഥിതിചെയ്യുന്നു. ശ്വാസകോശങ്ങളെ പ്രവര്ത്തിപ്പിച്ച് അന്തരീക്ഷവായുവിനെ ആഗിരണം ചെയ്ത് ശരീരത്തിലുണ്ടാകുന്ന മാലിന്യങ്ങളെ പുറത്തുകളയുകയും ആഹാരവസ്തുക്കളും ദ്രാവകങ്ങളും ദ്രാവങ്ങളും ശരീരത്തിനുള്ളിലേയ്ക്കു കടത്തുകയും ചെയ
… തുടരും
