ലിബിയ : ലിബിയയുടെ കിഴക്കന് പ്രവിശ്യയില് ഐസിസ് ഭീകരര് അഞ്ച് മാധ്യമപ്രവര്ത്തകരെ കഴുത്തറുത്ത് കൊന്നു. ലിബിയന് ടിവി ചാനലില് ജോലി ചെയ്തിരുന്നവരെയാണ് ഐഎസ് ക്രൂരമായി കൊലപ്പെടുത്തിയത്. ഇവരില് നാല് പേര് ലിബിയക്കാരും ഒരാള് ഈജിപ്ഷ്യന് പൗരനുമാണ്.
ലിബിയന് സൈനിക ഉദ്യോഗസ്ഥനായ ഫറാജ് അല് ബറാസിയാണ് ലിബിയയിലെ കിഴക്കന് നഗരമായ ബായ്ദയില് നിന്നും ഇവരുടെ കഴുത്തറുത്ത മൃതദേഹങ്ങള് കണ്ടെടുത്ത വിവരം സ്ഥിരീകരിച്ചത്. സംഭവത്തിന് പിന്നില് ഐഎസ് ഭീകരരാണെന്നും കഴുത്തറുത്ത നിലയിലായിരുന്നു മൃതദേഹങ്ങള് എന്നും അദ്ദേഹം വ്യക്തമാക്കി.
ഇക്കഴിഞ്ഞ ഓഗസ്റ്റ് മുതല് ഇവരെ കാണാതായിരുന്നു. ലിബിയയിലെ തൊബ്രൂക് പട്ടണത്തില് നിന്നും ഒരു പരിപാടിയില് പങ്കെടുത്ത് ബെന്ഗാസിയിലേക്ക് പോകവെ ഐഎസ് ഭീകരരുടെ അധീനതയിലുള്ള ഡെര്ണയില് വച്ചാണ് അഞ്ച് മാധ്യമപ്രവര്ത്തകരെയും കണാതായത്.
ഐഎസ് മേധാവി അബൂബക്കര് അല് ബാഗ്ദാദി മരിച്ചതായി റേഡിയോ ഇറാന് ഇന്നലെ റിപ്പോര്ട്ട് ചെയ്തിരുന്നു. ഇതിന് പിന്നാലെയാണ് മാധ്യമപ്രവര്ത്തകരോടുള്ള ഐഐസിന്റെ ക്രൂരത പുറത്തുവരുന്നത്.
