437. നാരായണാസ്ത്രനിര്ധൂതദണ്ഡസൈന്യവിനാശിനീ – നാരായണാസ്ത്രംകൊണ്ടു പീഡിപ്പിച്ച് ദണ്ഡസൈന്യത്തെ നശിപ്പിച്ചവള്. ഭണ്ഡാസുരന്റെ സൈന്യം അസാധാരണമായ ശക്തിയും പരാക്രമവും ഉള്ളതായിരുന്നു. ആ സേനയിലെ ഭടന്മാരെ സാധാരണയായി പ്രയോഗത്തിലുള്ള ദിവ്യാസ്ത്രങ്ങള്കൊണ്ടു തോല്പ്പിക്കാന് സാധിക്കാത്തതുകൊണ്ട് സര്വസംഹാരകമായ നാരായണാസ്ത്രം തന്നെ ദേവിക്ക് ഉപയോഗിക്കേണ്ടിവന്നു. നാരായണാസ്ത്രം ദണ്ഡസൈന്യത്തെ പൂര്ണമായി നശിപ്പിച്ചു.
438. കാമേശ്വരമഹാസ്ത്രേണഹതദണ്ഡമഹാസുര – കാമേശ്വരം എന്ന മഹാസ്ത്രംകൊണ്ട് ഭണ്ഡന് എന്ന മഹാസുരനെ വധിച്ചവള്. ശിവന്റെ കാരുണ്യത്തിനാല് രക്ഷിതനായിരുന്ന ഭണ്ഡാസുരന് അജയ്യനായിരുന്നു. ലളിതാദേവി അയച്ച നാരായണാസ്ത്രത്തിനും ഭണ്ഡാസുരനെ നശിപ്പിക്കാന് കഴിഞ്ഞില്ല. ശിവന് ദേവതയായ കാമേശ്വരം എന്ന മഹത്തായ അസ്ത്രംകൊണ്ടാണ് ദേവികാമേശ്വരനെ വധിച്ചത്. ഭണ്ഡനെ വധിച്ചതിനോടൊപ്പം ആ അസ്ത്രം ഭണ്ഡാസുരന്റെ ആസ്ഥാനമായ ശൂന്യകപുരത്തെ ശൂന്യമാക്കുകയും ചെയ്തു എന്നാണ് ലളിതോപാഖ്യാനം പറയുന്നത്.(429 മുതല് 438 വരെയുള്ള നാമങ്ങള് ഭണ്ഡാസുരവധവുമായി ബന്ധപ്പെട്ടവ)
… തുടരും
