434.കിരിചക്രരഥാരൂഢദണ്ഡിനീ പരിസേവിതാ – കിരിചക്രം എന്ന രഥത്തില് ആരൂഢയായ ദണ്ഡനാഥാ ദേവിയാല് സേവിക്കപ്പെട്ടവള്. ലളിതാദേവിയുടെ സൈന്യങ്ങളുടെ നായിക വാരാഹീദേവിയാണ്. വരാഹത്തിന്റെ മുഖമുള്ള ദേവി വിഷ്ണുവിന്റെ ഒരു രൂപമായ യജ്ഞവരാഹത്തിന്റെ ശക്തിയാണ്.
വരാഹീദേവി കിരിചക്രം എന്നുപേരുള്ള രഥത്തിലേറി ലളിതാദേവിയെ സേവിച്ചു. കിരികള്- വരാഹങ്ങള് വലിക്കുന്ന തേരായതുകൊണ്ട് കിരിചക്രരഥം എന്നു രഥത്തിനു പേരുണ്ടായി എന്നും വരാഹമുഖികളായ ശക്തിദേവിമാരുടെ ചക്രത്താല് രക്ഷിക്കപ്പെടുന്നതുകൊണ്ടു കിരിചക്രം എന്നു പേരുണ്ടായി എന്നും അഭിപ്രായം. ലളിതാദേവിയുടെ അംഗരക്ഷകസ്ഥാനം സൈന്യാധിപയായ ദണ്ഡിനീദേവിക്കാകയാല് ചക്രരാജ രഥത്തിനടുത്തുതന്നെ കിരിചക്രരഥം എപ്പോഴും ഉണ്ടാകും.
435.പോത്രിണീഗണസംസേവ്യാ – പോത്രിണീ ഗണത്തില് സേവിക്കപ്പെടുന്നവള്. ഫോരും- പന്നി, പോത്രിണീ-പെണ്പന്നി. നാമത്തില് പോത്രിണിയുടെ മുഖമുള്ള ശക്തിദേവിമാരെസേനാധിപതിയായ വരാഹീദേവിയുടെ ശക്തിസൈന്യം വരാഹികളുടെ മുഖമുള്ളവരാണ്. അവ ലളിതാദേവിയെ സേവിക്കുന്നു.
436.സംക്ഷോഭിതജഗത്ത്രയാ-ക്ഷോഭിച്ച ജഗത്ത്രയത്തോടുകൂടിയവള്. ലളിതാദേവി ശക്തിസേനയോടൊപ്പം ഭണ്ഡവധത്തിനായി പുറപ്പെട്ടപ്പോള് മൂന്നുലോകങ്ങളും ക്ഷോഭിച്ചു.
