ന്യൂയോര്ക്ക്: ബോസ്റ്റണ് മാരത്തോണിനിടെ ബോംബ് സ്്ഫോടനം നടത്തിയ കേസിലെ പ്രതി സോഖര് സര്നേവ് കുറ്റക്കാരനെന്നു ഫെഡറല് കോടതി വിധിച്ചു. വധശിക്ഷ വരെ ലഭിക്കാവുന്ന കുറ്റമാണ് ഇയാള്ക്കെതിരെ ചുമത്തിയിരിക്കുന്നത്.
2013 ബോസ്റ്റണ് മാരത്തോണിന്റെ ഫിനിഷിങ് ലൈനില് ബോബ് സര്നേവും സഹോദരനും ചേര്ന്ന് സ്ഫോടനം നടത്തിയെന്നാണ് ഇവര്ക്കെതിരെയുള്ള കുറ്റം. 2001 സപ്തംബര് 11നുശേഷം ലോകജനതയെ ഞെട്ടിച്ച മറ്റൊരു സംഭവമായിരുന്നു അത്. പ്രഷര് കുക്കര് ബോംബാണ് സര്നേവ് സ്ഥാപിച്ചിരുന്നത്.
സ്ഫോടനത്തില് മൂന്നുപേര് കൊല്ലപ്പെട്ടു. 17 പേര്ക്ക് അംഗഭംഗം സംഭവിക്കുകയും 265 പേര്ക്ക് പരിക്കേല്ക്കുകയും ചെയ്തു. സ്ഫോടനം നടന്നു മൂന്നുദിവസത്തിനുശേഷമാണ് സര്നേവിനേയും സഹോദരനേയും കുറിച്ചുള്ള വിവരങ്ങള് പോലീസിനു ലഭിച്ചത്. പിന്നീട് യുഎസ് പോലീസുമായുള്ള ഏറ്റുമുട്ടലില് സര്നേവിന്റെ സഹോദരന് കൊല്ലപ്പെട്ടു.
മാരകായുധങ്ങള് കൈവശം വെയ്ക്കല്, ഭീകരപ്രവര്ത്തനങ്ങളില് ഏര്പ്പെടുക തുടങ്ങി 30 കുറ്റങ്ങളാണ് ഇയാള്ക്കെതിരെ ചുമത്തിയിരിക്കുന്നത്. അതുകൊണ്ടുതന്നെ ജീവപര്യന്തമോ, വധശിക്ഷയോ സര്നേവിനു ലഭിക്കാം. ഭീകരസംഘടനയായ അല്ഖ്വയ്ദയുമായി ബന്ധമുണ്ടെന്നുള്ളതിന്റെ തെളിവുകള് പോലീസ് കണ്ടെടുത്തിട്ടുണ്ട്. സര്നേവിന്റെ കംപ്യൂട്ടറില് നിന്നും അല്ഖ്വയ്ദയുടെ മാസികയായ ഇന്സ്പയറും, ജിഹാദി എഴുത്തുകളും കണ്ടെടുത്തിരുന്നു.
അന്നത്തെ ബോസ്റ്റണ് പോലീസ് കമ്മീഷണര് എഡ് ഡേവിസ്, സ്ഫോടനത്തിനിരയായവരും അവരുടെ ബന്ധുക്കളും ഉള്പ്പടെ ഫെഡറല് കോടതിയില് വിചാരണക്കായി എത്തിയിരുന്നു.
എന്നാല് കോടതി വിധി പ്രസ്താവനയ്ക്കുശേഷം യാതൊരു ഭാവവ്യത്യാസവുമില്ലാതെയാണ് സര്നേവ് പ്രതികരിച്ചത്. മസാച്യുസെറ്റ്സ് ഇന്സ്റ്റിറ്റിയൂട്ട് ഓഫ് ടെക്നോളജിയിലെ പോലീസ് ഉദ്യോഗസ്ഥന് സീന് കോളീറിനെ വെടിവെച്ചുകൊന്ന കേസിലും സര്നേവ് മുഖ്യപ്രതിയാണ്.
