ടോക്കിയോ: ലോകത്തിന്റെ മുത്തശ്ശി ജപ്പാന്കാരിയായ മിസാവോ ഒക്കാവ അന്തരിച്ചു. ഇന്നലെ രാവിലെ ഏഴുമണിക്കായിരുന്നു അവരുടെ അന്ത്യം. 117 വയസായിരുന്നു. കഴിഞ്ഞമാസമാണ് ഒക്കാവ ഏറ്റവും ഒടുവിലത്തെ പിറന്നാള് ആഘോഷിച്ചത്. അവസാന സമയത്ത് മക്കളും പേരക്കുട്ടികളുമെല്ലാം ഒക്കാവയ്ക്കൊപ്പമുണ്ടായിരുന്നു.
ഒസാക നഗരത്തിലെ തുണി വ്യാപാരിയുടെ മകളായി 1898 മാര്ച്ച് അഞ്ചിനായിരുന്നു ഒക്കാവയുടെ ജനനം. ജീവിതയാത്രയ്ക്കിടെ മൂന്ന് ആണ്മക്കള്ക്കും ഒക്കാവ ജന്മംനല്കി. ഭര്ത്താവ് യൂക്കിയോ 1931ല് മരിച്ചു.
2013 ജൂണിലാണ് ലോകത്തിലെ ഏറ്റവും പ്രായമുള്ള വ്യക്തിയെന്ന ഗിന്നസ് റെക്കോര്ഡ് ഒക്കാവയ്ക്കു ലഭിച്ചത്. 114 വര്ഷവും 359 ദിവസവുമായിരുന്നു ആ സമയത്തെ വയസ്. ജപ്പാനില് നിന്നുതന്നെയുള്ള ജിറോമോന് കിമുറ (116 വര്ഷവും 54 ദിവസവും) മരിച്ചപ്പോള് ഈ ബഹുമതി ഒക്കാവയ്ക്കു വന്നുചേരുകയായിരുന്നു.
ഒക്കാവയുടെ വിയോഗത്തോടെ യുഎസ് സ്വദേശിയായ ജെര്ട്രൂഡ് വീവര് ലോകത്തെ ഏറ്റവും പ്രായം ചെന്നയാളെന്ന പെരുമയ്ക്ക് അര്ഹനായി.
