മോസ്കോ: വികസനംവരുന്നത് റോഡിലൂടെയാണെങ്കില് ഇതാ ലോകവികസനത്തിനു വമ്പന് റോഡൊരുങ്ങുന്നു. റഷ്യയില്നിന്ന് ബ്രിട്ടണ് വഴി അമേരിക്കയിലെത്താന് ഈ റോഡു സഹായിക്കും. നീളം 12,400 മൈലുകള്. ഏതാണ്ട് ഭൂഗോളത്തിന്റെ പാതി ചുറ്റളവില്! ഈ റോഡില് കയറിപ്പറ്റിയാല് ഭൂമിക്കു പകുതി വലംവെക്കാം.
നിലവിലുള്ള യൂറോപ്പ്-ഏഷ്യന് റോഡുമാര്ഗ്ഗങ്ങളെ ബന്ധിപ്പിക്കുന്ന വഴിയിലായിരിക്കും റോഡ്. ഇതിന്റെ ഒരുവശത്ത് റെയില് പാളവുമുണ്ടാകും, തീര്ന്നില്ല റോഡിനൊപ്പം ഓയില്, ഗ്യാസ് പൈപ്പ് ലൈനുകളും വരും.
ഈ പദ്ധതി പ്രാവര്ത്തികമാകുന്നതോടെ റഷ്യ ലോകത്തെ ഏറ്റവും വലിയ ഗതാഗത ഹബ് ആകുമെന്നാണ് വിലയിരുത്തപ്പെടുന്നത്.
റഷ്യയിലെ അക്കാദമി ഓഫ് സയന്സ് തലവന് വഌദിമര് ഫോര്ട്ടോവ് തയ്യാറാക്കി ട്രാന്സ്-യുറേഷ്യന് ബെല്റ്റ് ഡവലപ്മെന്റ് (ടിഇപിആര്) വഴിയാണ് ഈ വമ്പന് പദ്ധതി പ്രസഡിന്റ് വഌദിമര് പുടിന്റെ മുന്നില് എത്തിയത്.
ഈ പദ്ധതി പ്രാര്ത്തികമാകാന് സഹസ്ര കോടിക്കണക്കിന് ഡോളറിന്റെ ചെലവു വരും.
നിലവില്, ഓസ്ട്രേലിയയിലാണ് ഏറ്റവും വലിയ റോഡ്, ഹൈവേ വണ്-ഇതിനു 9000 മൈല് നീളമുണ്ട്, രാജ്യമാകെ ചുറ്റുന്നുണ്ട് ഈ പാത.
