കലാഭ്യാം ചൂഡാലംകൃത ശശികലാഭ്യാം നിജതപഃ-
ഫലാഭ്യാം ഭക്തേഷു പ്രകടിതഫലാഭ്യാം ഭവതു മേ
ശിവാഭ്യാമസ്തോകത്രിഭുവന ശിവാഭ്യാം ഹൃദിപുനര്-
ഭവാഭ്യാമാനന്ദ സ്ഫുരദനുഭവാദ്യാം നതിരിയം
കലാരൂപികളായി, മൗലിയില് ചന്ദ്രക്കലധരിച്ചവരായി, സ്വതപഫലരൂപികളായി, ഭക്തരില് അഭീഷ്ടഫലങ്ങള് പ്രകടിപ്പിച്ചവരായി, തൈത്രലോക്യമംഗലകാരികളായി, ഹൃദയത്തില് വീണ്ടും വീണ്ടും ആവിര്ഭവിക്കുന്നവരായി ആനന്ദരൂപത്തില് അനുഭവപ്പെടുന്നവരായി ഇരുന്നരുളുന്ന പാര്വതീ പരമേശ്വരന്മാര്ക്ക് എന്റെ നമസ്കാരം.
ഗലന്തീ ശംഭോ ത്വച്ചരിതസരിതം കില്ബിഷരജോ
ദലന്തീ ധീകുല്യാസരണിഷ്ഠ പതന്തീ വിജയീതാം
ദിശന്തീ സംസാരഭ്രമണ പരിതാപോപശമനം
വസന്തീ മച്ചേതോഹ്രദഭൂവി ശിവാനന്ദലഹരി
അല്ലയോ ശംഭോ അങ്ങയുടെ ചരിതമാകുന്ന നദിയില്നിന്നും പുറപ്പെടുന്നതും പാപധൂളികളെ നശിപ്പിക്കുന്നതും ബുദ്ധിയാകുന്ന പ്രവാഹത്തില് പതിക്കുന്നതും സംസാരഭ്രമണം മൂലമുളവാകുന്ന ദുഃഖത്തിനു ശാന്തി നല്കുന്നതുമായ ശിവാനന്ദലഹരി എന്റെ മനസ്സാകുന്ന കയത്തില് വസിക്കുന്നതായി വിജയിക്കട്ടെ.
ത്രയീവേദ്യനും (ഋഗ്യജുസ്സാര വേദങ്ങളാല് അറിയപ്പെടുന്നവനും) ഹൃദ്യനും ത്രിപുരന്മാരെ സംഹരിച്ചവനും ആദ്യനും ത്രിനയനും ജടാഭാരത്തോടുകൂടിയവനും മാനിനെ ധരിച്ചവനും എന്നില് ദയാഭാവമുള്ളവനും പശുപതിയും ചിദാലംബനും സാംബനും (അംബികയോടുകൂടിയവന്) മംഗളകരമായ ബുദ്ധിയുള്ളവരെ അനുകരിക്കുന്നവനുമായ മഹാദേവനെ ഞാന് ഹൃദയത്തില് ഭജിക്കുന്നു.
— തുടരും
