തൃപ്പൂണിത്തുറ: അമൃതഭാരതി വിദ്യാപീഠത്തിന്റെ നേതൃത്വത്തില് മാതൃഭാഷാപോഷിണി സദസ്സ് നാളെ രാവിലെ 11 മുതല് തൃപ്പൂണിത്തുറ എന്എസ്എസ് കണയന്നൂര് താലൂക്ക് യൂണിയന് ഹാളില് നടക്കും. ഭാഗവതാചാര്യന് ദാമോദരശര്മ്മ അധ്യക്ഷത വഹിക്കുന്ന സദസില് പ്രൊഫ. എസ്. ജോസഫ്, ശാസ്ത്രീയ സാഹിത്യപരിഷത്ത് ജില്ലാ ഉപാധ്യക്ഷന് ടി.ആര്. സുകുമാരന്, തപസ്യ കലാസാഹിത്യവേദി തൃപ്പൂണിത്തുറ മേഖലാധ്യക്ഷന് രാമഭദ്രന് തമ്പുരാന് തുടങ്ങിയവര് വിഷയാവതരണം നടത്തും.
കവി വൈക്കം രാമചന്ദ്രന് രചിച്ച് കൈരളി ചാനല് ‘മാമ്പഴം’ മത്സരവിജയി ലക്ഷ്മിദാസ് ആലപിച്ച കവിതാസമാഹാര സിഡിയുടെ പ്രകാശനകര്മ്മം പീപ്പിള്സ് കൗണ്സില് ഫോര് സോഷ്യല് ജസ്റ്റിസ് ഉപാധ്യക്ഷന് അഡ്വ. സുഭാഷ്ചന്ദ്. എസ് നിര്വഹിക്കും. വിഷയാവതരണത്തിനുശേഷം ചര്ച്ചയും ഒടുവില് അധ്യക്ഷന്റെ ഉപസംഗ്രഹവുമടങ്ങുന്ന ഒന്നര മണിക്കൂര് ദൈര്ഘ്യമുള്ള കാര്യക്രമമാണ് സദസിനുള്ളതെന്ന് മുഖ്യസംയോജകന് കെ.ജി. ശ്രീകുമാര് അറിയിച്ചു. ചര്ച്ചയില് പങ്കെടുക്കുവാന് താല്പര്യമുള്ളവര് 9995479438 എന്ന നമ്പറില് ബന്ധപ്പെടുക.
