ഗൃഹസ്ഥാശ്രമികളായ നിങ്ങള്ക്ക് ഈശ്വരേച്ഛയാല് ഒരു അനുഗ്രഹമെന്ന നിലയില് കിട്ടിയിട്ടുള്ള അദ്ധ്യാത്മികമായ ഏകാന്തസ്ഥാനമാണു ശക്തിനഗര്.
ലോകത്തിലെ ബഹളത്തില് നിന്ന് സ്വയം പിന്വലിഞ്ഞ് തുടര്ച്ചയായി ഏതാനുംനാള് സാധനയില് ആമാഗ്നമാകാന് ശക്തിനഗറില്വന്നു താമസിക്കുവിന്. അമ്മയുടെ നേരിട്ടുള്ള ദിവ്യസാന്നിദ്ധ്യം ഇവിടെയുണ്ട്.
പ്രകൃതിയും നിങ്ങള്ക്കനുകൂലമാണ്. ഇവിടുത്തെ കാറ്റിനുപോലും ദിവ്യ സുഗന്ധമാണ്.
ആദ്ധ്യാത്മികത എന്നതിനു ഒറ്റവാക്കില് പറയാവുന്ന അര്ത്ഥം ശക്തി എന്നാണ്. മനഃശക്തി ഇച്ഛാശക്തി സാന്മാര്ഗ്ഗികശീലങ്ങളുടെ ശക്തി ജ്ഞാനശക്തി ഇവയെല്ലാം ആദ്ധ്യാത്മീകതയില് ഉള്ക്കൊള്ളുന്നു.
പുണ്യാത്മാക്കള് ഭൂമിയില് ജന്മമെടുക്കുന്നതിനുവേണ്ടി കാത്തുനില്ക്കുകയാണ്. വിശുദ്ധമനസ്കരായ മാതാക്കളുടെ അനുഗൃഹീതമായ ഉദരങ്ങളില് പിറവി എടുത്ത് ഈശ്വരകാര്യത്തിനുവേണ്ടി സേവനമനുഷ്ഠിക്കുവാന് അവര് വെമ്പല്കൂട്ടുന്നു.
പ്രബുദ്ധാത്മാക്കളുടെ ഒരു തലമുറ ഉദിക്കാന് പോകുന്നു. ആത്മാക്കള് ഗര്ഭസ്ഥരായി കഴിയുമ്പോള്തന്നെ ജ്ഞാനത്തിന്റെ ദിവ്യധ്വനി മുഴക്കുന്ന ഒരു കാലം വിദൂരമല്ല.
അമ്മ പെട്ടെന്നു ഭാവസമാധിയില് പോയി. അപ്പോള് ഭക്തജനങ്ങള് സ്തുതിഗീതികള് ആലപിക്കാന് തുടങ്ങി. കാരണം ഒരു അവതാര സ്വരൂപിണിയില് സമാധിരംഗങ്ങള് ദര്ശിക്കുന്നത് ഭാരതീയജനത ആദ്യമായാണ്. എപ്പോഴും ആഴമേറിയ രാമകാര്യം സംസാരിക്കുമ്പോള് ഗുരുമാതാവ് പെട്ടെന്നു സമാധി അവസ്ഥയില്പോകും. അതില്നിന്നു ഉണര്ന്നാല് എന്താണു നാം സംസാരിച്ചതെന്നു ചോദിക്കും.
