ദമാസ്ക്കസ്: സിറിയയില് ഇസ്ലാമിക് സ്റ്റേറ്റ് ഭീകരരുമായി സൈന്യം നടത്തിയ വ്യോമാക്രമണത്തില് 45 പേര് കൊല്ലപ്പെട്ടു. വിമാനങ്ങളിലും ഹെലികോപ്ടറുകളിലുമായ ആക്രമണം നടത്തിയത്. വടക്കുകിഴക്കന് സിറിയയില്, ആലപ്പോ നഗരത്തിനു സമീപമുള്ള അല് ബാബ്, ഖ്വാബസീന് മേഖലകളിലാണ് സൈന്യം ആക്രമണം നടത്തിയത്.
കൊല്ലപ്പെട്ടവരില് ഏറെയും സാധാരണക്കാരാണെന്നും റിപ്പോര്ട്ടുണ്ട്. മേഖലയില് ഏതാനും നാളുകളാണ് സര്ക്കാര് നടപടി ശക്തമാക്കിയതായി സന്നദ്ധ പ്രവര്ത്തകര് അറിയിച്ചു.
സൈനിക നടപടിയില് 175 പേര്ക്ക് പരുക്കേറ്റിട്ടുണ്ട്. പ്രസിഡന്റ് അസാദിന്റെ സൈന്യം അടുത്തിടെ വിമതമേഖലകളില് ആക്രമണം ശക്തമാക്കിയിട്ടുണ്ട്. കഴിഞ്ഞ 72 മണിക്കൂറുകള്ക്കുള്ളില് വിമതകേന്ദ്രങ്ങളില് 470 വ്യോമാക്രമണങ്ങള് നടന്നെന്നും, സ്ത്രീകളും കുട്ടികളും ഉള്പ്പടെ 110 പേര്ക്ക് ജീവന് നഷ്ടമായെന്നും അധികൃതര് അറിയിച്ചു.
ഈ വര്ഷം സെപ്തംബര് മുതല് ഇറാഖിലും സിറിയയിലുമുള്ള ഐ.എസ് തീവ്രവാദികള്ക്കെതിരെ യു.എസ് നേതൃത്വത്തിലുള്ള സംയുക്ത സേന കനത്ത ആക്രമണം തുടരുകയാണ്.
