കാന്ബറ: ഓസ്ട്രേലിയയിലെ ക്വീന്സ്ലന്ഡില് എട്ടു കുട്ടികള് കുത്തേറ്റു മരിച്ച സംഭവത്തില് അമ്മയെ അറസ്റ്റ് ചെയ്തു.മരിച്ച കുട്ടികളുടെ അമ്മയായ മെര്സെയ്ന് വാരിയ (37) ആണ് അറസ്റ്റിലായത്. ഇവര്ക്ക് വിഷാദരോഗമുള്ളതായാണ് പോലീസ് നിഗമനം. ഇവരെ ചോദ്യം ചെയ്തു വരികയാണെന്ന് പോലീസ് അറിയിച്ചു.
വെള്ളിയാഴ്ചയാണ് നാടിനെ നടുക്കിയ കൊലപാതകം നടന്നത്. കെയേണ്സിലെ മനൂരയിലുള്ള വീട്ടില് ഒന്നര വയസ്സ് മുതല് 14 വയസ്സു വരെയുള്ള എട്ടു കുട്ടികളെ കുത്തേറ്റ് കൊല്ലപ്പെട്ട നിലയില് കണ്ടെത്തുകയായിരുന്നു. ഇവിടെ നിന്ന് കത്തികളും മറ്റും കണ്ടെടുത്തിരുന്നു. കുട്ടികളുടെ മൂത്ത സഹോദരന് വീട്ടില് എത്തിയപ്പോഴാണ് മൃതദേഹങ്ങള് കണ്ടെത്തിയത്. കുഞ്ഞുങ്ങള്ക്കൊപ്പം മെര്സെയ്ന് വാരിയയെയും സമീപത്തു നിന്ന് ചോരവാര്ന്ന നിലയില് കണ്ടെത്തിയിരുന്നു. കഴുത്തിനും നെഞ്ചിനും കുത്തേറ്റ നിലയിലായിരുന്നു വാരിയ. ആശുപത്രിയില് പ്രവേശിപ്പിക്കപ്പെട്ട ഇവര് അപകടനില തരണം ചെയ്തു. കൂടുതല് ചോദ്യങ്ങള്ക്ക് ശേഷം വിശദാംശം പുറത്ത് വിടുമെന്ന് പോലീസ് അറിയിച്ചു.ഓസ്ട്രേലിയയില് എങ്ങും മെഴുകുതിരി കത്തിച്ചുള്ള അനുശോചന പരിപാടികളും കൂട്ട പ്രാര്ത്ഥനകളും നടക്കുന്നതിനിടെയാണ് അറസ്റ്റ്.
