വീണുപോയാല് എല്ലാം തകര്ന്നു എന്നു ചിന്തിച്ചു നിരാശപ്പെട്ട് അവിടെത്തന്നെ കിടക്കരുത്. വീഴ്ചയില്നിന്നും എഴുന്നേല്ക്കണം. വീണതു എഴുന്നേല്ക്കാന്വേണ്ടിയാണ്, വീണ്ടും വീഴാതിരിക്കാന് വേണ്ടിയാണെന്നു കരുതണം.
ജയവും തോല്വിയും ജീവിതത്തിന്റെ സ്വഭാവമാണ്. ഇനിയുള്ള ഓരോ ചുവടും കൂടുതല് ജാഗ്രതയോടെ മുന്നോട്ടുവയ്ക്കണം. മഹാത്മാക്കളുടെ മാര്ഗ്ഗദര്ശനം വളരെ പ്രധാനമാണ്. ആദ്ധ്യാത്മികഗ്രന്ഥങ്ങള് വായിക്കണം.
അവ നമുക്കു വിവേകവും സമാധാനവും തരും. ഒപ്പം നമ്മുടെ പ്രയത്നവും അതായത് സാധനയും ആവശ്യമാണ്. സാക്ഷാത്കാരത്തിന്റെ തൊട്ടുമുന്പത്തെ നിമിഷംവരെ വളരെ ശ്രദ്ധയോടെ നീങ്ങണം എന്നുപറയും. ഏതുനിമഷവും വീഴാന് സാദ്ധ്യതയുണ്ട് എന്നോര്ക്കണം.
