ദൈവം നിങ്ങള്ക്കു നല്കിയിരിക്കുന്ന ബുദ്ധിയെ തീരെ പ്രയോജനപ്പെടുത്താതെ അദ്ദേഹത്തിനു തിരിച്ചു നല്കരുത്. നിങ്ങള്ക്കു നല്കിയിട്ടുള്ള സിദ്ധികള് ഉപയോഗപ്പെടുത്തണം. അല്ലെങ്കില് വീണ്ടും അവ നിങ്ങള്ക്കു നല്കപ്പെടുകയില്ല.
കൈകാര്യം ചെയ്യാന് കഴിയാത്ത ഒരു പ്രശ്നവും ദൈവം നിങ്ങള്ക്ക് നല്കുകയില്ല. പ്രശ്നങ്ങള് ഉണ്ടാകുന്നത് നിങ്ങളുടെ കഴിവുകള് നിങ്ങളെ ബോധ്യപ്പെടുത്തുന്നതിനുവേണ്ടിയാണ്. ഇനിയും കൂടുതലായി എന്തൊക്കെ ചെയ്യാന് കഴിവുണ്ടെന്നു നിങ്ങളെ മനസ്സിലാക്കിത്തരുന്നതിനുവേണ്ടി. അപ്പോഴേ എത്രയേറെ ആനന്ദവും കഴിവും നിങ്ങളിലുണ്ടെന്ന് നിങ്ങള് സ്വയം തിരിച്ചറിയൂ.
പ്രശ്നങ്ങള് നേരിടുമ്പോള് നമുക്കു കൂടുതല് ബുദ്ധി ആവശ്യമായിവരും. കൂടുതല് പ്രശ്നങ്ങള് നേരിടുമ്പോള് നമ്മുടെ ബുദ്ധി കൂടുതല് പ്രവര്ത്തിക്കുന്നു. ജീവിതത്തില് ഒരു പ്രശ്നവുമില്ലെങ്കില് നാം പശുക്കളെപ്പോലെയാകും. അവ പുല്ലു തിന്നുന്നു. വെള്ളം കുടിക്കുന്നു, ഉറങ്ങുന്നു. അത്രമാത്രം.
വെല്ലുവിളികളില്ലെങ്കില് തിന്നുകയും ഉറങ്ങുകയും ചെയ്തുകൊണ്ട് നമ്മളും ആലസ്യത്തിലമരും. ഉണര്വ്വോടെയിരിക്കുന്നതിനുവേണ്ടിയാണ് ദൈവം നമുക്ക് അമൂല്യമായ ഒരു തലച്ചോറ് നല്കിയിരിക്കുന്നത്. അതിനെ ഉപയോഗപ്പെടുത്തുന്നതിനുവേണ്ടി പ്രശ്നങ്ങളും നല്കി. പക്ഷേ, പലപ്പോഴും നാം കാര്യങ്ങള് ചെയ്യുന്നത് വേണ്ട വിധത്തിലല്ല. ഒന്നുകില് ബുദ്ധി ഉപയോഗിക്കാതെ പ്രശ്നങ്ങളെ നാം കൂടുതല് സങ്കീര്ണ്ണമാക്കുന്നു. അല്ലെങ്കില് വേണ്ടാത്തരീതിയില് ബുദ്ധി ഉപയോഗിച്ച് അതിനെ പരിഹരിക്കാന് കഴിയാത്തവിധം വഷളാക്കുന്നു.
പ്രശ്നം നേരിടുമ്പോള് അതെങ്ങനെ എത്രയും വേഗത്തില് പരിഹരിക്കാം എന്നു നാം ആലോചിക്കാറില്ല. ഇ പ്രശ്നം ഇനിയും എങ്ങനെ രൂക്ഷമാകും. ഇതില്നിന്നും ഉടലെടുക്കുന്ന കൂടുതല് മോശപ്പെട്ട കാര്യങ്ങള് എന്തൊക്കെയാകും എന്നെല്ലാം ചിന്തിച്ച് നാം വെറുതെ തല പുണ്ണാക്കുന്നു. ദൈവം നിങ്ങള്ക്കു നല്കിയിരിക്കുന്ന ബുദ്ധിയെ തീരെ പ്രയോജനപ്പെടുത്താതെ അദ്ദേഹത്തിനു തിരിച്ചു നല്കരുത്. നിങ്ങള്ക്കു നല്കിയിട്ടുള്ള സിദ്ധികള് ഉപയോഗപ്പെടുത്തണം. അല്ലെങ്കില് വീണ്ടും അവ നിങ്ങള്ക്കു നല്കപ്പെടുകയില്ല.
ഏതുവിധത്തിലാണ് പരാജയത്തെ നിങ്ങള് നോക്കിക്കാണുന്നത്? പരാജയമെന്ന് നിങ്ങള് വിധിക്കുന്ന ജീവിതാനുഭവം തന്നെ കുറെ കഴിയുമ്പോള് നിങ്ങളെ വിജയത്തിലേക്കു നയിക്കും. കുട്ടിക്കാലത്ത് നിങ്ങളുടെ ആഗ്രഹം വേഗം വളര്ന്ന് ഒരു ട്രക്ക് ഓടിക്കണമെന്നായിരുന്നു. അന്ന് ഡ്രൈവറാകാന് കഴിയുന്നില്ലല്ലോ എന്നോര്ത്തു നിങ്ങള് സങ്കടപ്പെട്ടു. പിന്നെയും വളരുമ്പോള് കുറച്ചുകൂടി വലിയ ഉദേ്യാഗസ്ഥനാകണമെന്നാകും ആഗ്രഹം. ഒരു ഡോക്ടറുടെ ഉദേ്യാഗമാണ് കുറച്ചുകൂടി മെച്ചപ്പെട്ടതെന്നു നിങ്ങള് മനസ്സിലാക്കുന്നു.
ദീര്ഘ വീക്ഷണമില്ലാത്തതുകൊണ്ടാണ് ചില അനുഭവങ്ങളെ പരാജയങ്ങളായി നിങ്ങള് എഴുതിത്തള്ളുന്നത്. പരാജയവും നിരാശയും താല്ക്കാലികം മാത്രം. അവയാണ് ജീവിതത്തില് ഗുണകരമായ വഴിത്തിരിവുകള്ക്ക് കാരണമാകുന്നതെന്ന് പിന്നീട് നിങ്ങള് മനസ്സിലാക്കും. നേരിടുന്ന ഏതു സാഹചര്യത്തെയും പുതിയൊരു രീതിയില് നോക്കിക്കാണാന് ശ്രമിക്കുകയാണ് നിങ്ങള് ചെയ്യേണ്ടത്.
