എന്താണ് സാധന, എങ്ങനെയാണ് അത് ആരംഭിക്കുക, എങ്ങനെയാണ് അത് തുടരുക, സാധനക്ക് അവസാനമുണ്ടോ? മുതലായ ചോദ്യങ്ങളൊക്കെ സാധകന്മാരെ അലട്ടുന്നവയാണ്.
”ഓരോ നിമിഷത്തെയും സാധനയാക്കി മാറ്റലാണ് ഏറ്റവും എളുപ്പം. നിങ്ങള് എന്താണ് ചെയ്തുകൊണ്ടിരിക്കുന്നത് എന്ന് ശ്രദ്ധിക്കുക. ഇരിക്കുന്നു, നടക്കുന്നു, ദേഷ്യപ്പെടുന്നു, സംസാരിക്കുന്നു…അല്ലേ? ഇവയെ എല്ലാം അപ്പപ്പോള് സമര്പ്പിക്കുമ്പോള് അവയൊക്കെ സാധനയായി.
എന്നാല് നാം ചെയ്യാറുള്ളത് ചിലതെല്ലാം കൈയില് വയ്ക്കുകയും മറ്റു ചിലത് സമര്പ്പിക്കുകയും ആണ്. അതാണ് കുഴപ്പം. ഇത് മനസ്സിലാകണമെങ്കില് ദിവസേന കുറച്ചുനേരം ധ്യാനത്തിലിരുന്ന് ആ സമയത്തുണ്ടാകുന്ന എല്ലാത്തിനെയും ചിന്തകള്, വികാരങ്ങള്, ശ്വാസം ഇവയെല്ലാം സമര്പ്പിച്ചു വിശ്രമിക്കൂ. നിര്ബന്ധമാണെങ്കില് ഈ പരിശീലനത്തെ സാധന എന്നുവിളിക്കാം.
ചിലര് ചില വാദങ്ങളുമായി വരാറുണ്ട്.
സാധനകള് ആവശ്യമില്ല, ധ്യാനത്തിന് എന്തിനാണ് സ്ഥലം, ആരാധന അന്ധവിശ്വാസമല്ലേ? എന്നൊക്കെ. ഇവിടെ ഒരു കാര്യം വേര്തിരിച്ചു മനസ്സിലാക്കാനുണ്ട്. സ്പൂണും കപ്പും പ്ലേറ്റും ഒരേ വസ്തുകൊണ്ടുണ്ടാക്കിയതാണെങ്കിലും ഇവയുടെ ഉപയോഗം വ്യത്യസ്തമാണ്. അതുപോലെ പ്രവൃത്തികള് ഒന്നുതന്നെയാണെങ്കിലും ഒരുപോലെയാണെങ്കിലും അവയ്ക്കു പുറകിലുള്ള ഭാവനയും ശ്രദ്ധയും ലക്ഷ്യവും വ്യത്യസ്തങ്ങളാണ്.
ചില പ്രവൃത്തികളെ സാധനയും ധ്യാനവുമാക്കി മാറ്റുന്നത് ഇത്തരം പരിഗണനകളാണ്. ഒരു സാധാരണ മനുഷ്യന് ഇതിനെക്കുറിച്ചൊക്കെ അറിയേണ്ടത് അത്യാവശ്യമാണ്. ധ്യാനം, പ്രാണായാമം മുതലായവയൊക്കെ വ്യത്യസ്തമാകുന്നത് ഈ അര്ത്ഥത്തിലാണ്. വാസ്തവത്തില് സാധനയ്ക്ക് അവസാനമില്ല, ആരംഭം മാത്രമേയുള്ളൂ.
ആത്മജ്ഞാനവും ടെക്നിക്കുകളും തമ്മില് ബന്ധമുണ്ടോ? ഒരു ആത്മജ്ഞാനി ഒന്നും പഠിപ്പിക്കുന്നില്ല. എല്ലാം തനിയെ സംഭവിക്കുന്നു. ആ സാന്നിധ്യമാണ് പ്രധാനം. പൂര്ണമായും പൊള്ളയും ശൂന്യവുമായി തീരലാണ് ആത്മജ്ഞാനം. അപ്പോള് വ്യക്തികള് തമ്മിലുള്ള സ്നേഹം സഹജമാകുന്നു. ഒരു പാത്രത്തില് സൂപ്പുണ്ടെന്നിരിക്കട്ടെ. അതെടുക്കാന് ഒരു സ്പൂണ് വേണം. ശരിയായ രീതിയില് സ്പൂണ് പിടിച്ചാല് മാത്രമേ സൂപ്പ് വായില് എത്തുകയുള്ളൂ.
സ്പൂണ് കമഴ്ത്തിയാണ് പിടിച്ചിട്ടുള്ളതെങ്കില് എത്ര തവണ പാത്രത്തില് മുക്കിയാലും സൂപ്പു കിട്ടുകയില്ല. പാത്രത്തില് സൂപ്പില്ലെങ്കില് അത് വായിലെത്തുകയുമില്ല. അതുപോലെയാണ് ടെക്നിക്കികളും ആത്മജ്ഞാനിയും. സ്പൂണ് ശരിയായി പിടിക്കുക എന്നതാണ് ടെക്നിക്ക്. എതാണ് സൂപ്പ്? ഒരു ആത്മജ്ഞാനിയുടെ സാന്നിധ്യം. ശാരീരികമായി അടുത്തിരുന്നാലും ഹൃദയം തുറന്നില്ലെങ്കില് ഒന്നും സംഭവിക്കുകയില്ല. ഇവിടെ ഒരു യുക്തിയും ഇല്ല ഒന്നും ആലോചിച്ചിട്ട് കഷ്ടപ്പെടുകയും വേണ്ട.
