കൂടെക്കൂടെ, സംശയങ്ങളും അസ്വസ്ഥതകളും നമ്മെ കടന്നാക്രമിക്കുമ്പോള്, നാം നമ്മുടെ തീരുമാനത്തില്തന്നെ ഉറച്ചുനില്ക്കണം. പുണ്യാത്മാക്കളുമായുള്ള സമ്പര്ക്കമാണ് സംശയനിവാരണത്തിനുള്ള ഏറ്റവും നല്ല മാര്ഗം. വൈദികശാസ്ത്ര ഗ്രന്ഥങ്ങളിലെ നിഗമനങ്ങള് പഠിക്കുകയും ഭഗവത് സാക്ഷാത്കാരം നേടുകയും ചെയ്ത പുണ്യാത്മാക്കള്ക്ക് നമ്മുടെ സംശയങ്ങളെ ദുരീകരിച്ച് ശ്രേഷ്ഠങ്ങളായ ഉപദേശങ്ങളും മാര്ഗനിര്ദ്ദേശങ്ങളും വഴി നമ്മുടെ മനസ്സിനു സ്വസ്ഥത പകരാന് കഴിയും. ശക്തവും, ഹൃദയത്തിനും കര്ണങ്ങള്ക്കും അമൃതധാരയുമായ കൃഷ്ണാവബോധ വിഷയങ്ങള് കേള്ക്കുകയും സജ്ജനങ്ങളുമായി ചര്ച്ച നടത്തുകയും ചെയ്യുമ്പോള് ഭഗവാനിലുള്ള വിശ്വാസം വര്ദ്ധിക്കുന്നതോടൊപ്പം അദ്ദേഹത്തോടുള്ള ഭക്തിയും ആകര്ഷണവും വികാസം പ്രാപിക്കുന്നു. ആദ്യത്തെ സമര്പ്പണത്തിനു വിശ്വാസം പ്രേരണ നല്കുന്നു. തുടര്ന്ന് സത്സംഗത്തിന്റെ ഫലമായി ഭക്തി വര്ദ്ധിക്കുകയും, അതു സ്ഥിരമായി നില്ക്കുകയും ചെയ്യുന്നു. ഭക്തി സ്ഥിരമായാല്, നിരന്തരമായ ഭഗവദാരാധനയുടെ ഫലമായി, എല്ലാത്തരം മാനസിക ക്ഷോഭങ്ങളും സംശയങ്ങളും കെട്ടടങ്ങും. അതോടെ അതിനിഗൂഢവും സമുന്നതവുമായ ഭജനയിലൂടെ സാധനചെയ്യാന് തുടങ്ങുന്നു. ഇത് ഒരുവനെ ഭഗവത്പ്രേമത്തിന്റെ നിലയിലേക്ക് നയിക്കുന്നു. ഈ നിലയിലെത്താന് സദ്സംഗം കൂടിയേ കഴിയൂ. അതിനുപകരം മറ്റൊന്നില്ല.
പുണ്യാത്മാക്കളുമായി സമ്പര്ക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.