മന്ത്രശബ്ദത്തിന് ഉപദേശം എന്നും അര്ത്ഥമുണ്ട്. എല്ലാ മനുഷ്യരുടെ ഉള്ളിലും അന്തര്യാമിയായി മന്ത്രരൂപിയായ ഗുരുവായൂരപ്പന് കുടികൊള്ളുന്നു. മനുഷ്യരുടെ എല്ലാ ചിത്തവൃത്തികളും ഭഗവാന് അറിയുന്നു. ഓരോ ഘട്ടത്തിലും ഭഗവാന്റെ ഉപദേശം ഓരോ വ്യക്തിയുടെയും ഉള്ളില് മുഴങ്ങും. ചിലപ്പോള് ഗുരുക്കന്മാരിലും ഗുരുതുല്യരായ വ്യക്തികളിലും കൂടിയായിരിക്കും ഉപദേശം ഭക്തനു കിട്ടുന്നത.് അഹങ്കാരംകൊണ്ടുള്ള ബാധിര്യം ബാധിച്ചിട്ടില്ലെങ്കില് ആ ഉപദേശം നമ്മെ നേര്വഴിക്കു നയിക്കും. ഉപദേശമായി രൂപം ധരിക്കുന്ന ഭഗവാനെ സ്തുതിക്കുന്ന നാമമായും വ്യാഖ്യാനിക്കാം.
890. പിതാഃ – പിതാവ്. മാതാവില് ബീജാധാനം ചെയ്യുന്നവന്. പിതാവ് എന്ന പദത്തിന് രക്ഷിക്കുന്നവന്, പാലിക്കുന്നവന് എന്നര്ത്ഥം. ഏതര്ത്ഥം സ്വീകരിച്ചാലും ഗുരുവായൂരപ്പന് ലോകത്തിന്റെ പിതാവാണ്. ” പിതാസി ലോകസ്യ ചരാചരസ്യ” (നിന്തുരുവടി) ചരാചരാത്മകമായ ലോകത്തിന്റെ പിതാവാണ്. ഭഗവദ്ഗീത 11-43) എന്ന് അര്ജ്ജുനന് ഭഗവാന്റെ വിശ്വരൂപം ദര്ശിച്ച ഭഗവാനെ സ്തുതിക്കുന്നുണ്ട്. ”അഹം ബീജപ്രദഃ പിതാ”. (ഞാന് ലോകത്തിന്റെ ബീജപ്രദനായ പിതാവാണ്. ഭഗവദ്ഗീത 14-4)എന്നു ഭഗവാന് തന്നെ അരുളിച്ചെയ്യുന്നു.
891. മാതാഃ – അമ്മയായവന്. മാതൃശബ്ദം സ്ത്രീലിംഗമാണ്. പ്രജകളെ ജനിപ്പിക്കുകയും വളര്ത്തുകയും ചെയ്യുന്നവള്, ബഹുമാനിക്കപ്പെടേണ്ടവര്, ശിശുവിന്റെ ശാരീരികവും മാനസികവുമായ വളര്ച്ച അളന്നറിയുന്നവള് എന്നിങ്ങനെ പലതരത്തില് ഈ പദത്തെ ആചാര്യന്മാര് വ്യാഖ്യാനിക്കുന്നു. പ്രപഞ്ചത്തെ സൃഷ്ടിക്കുകയും പാലിക്കുകയും ഓരോ നിമിഷമുള്ള അതിന്റെ വളര്ച്ച അളന്നറിയുകയും ചെയ്യുന്ന ഭഗവാന്
പ്രപഞ്ചത്തോട് മാതൃവാത്സ്യമാണുള്ളത്. അമ്മയ്ക്കു മക്കളോടുള്ള സ്നേഹം. അമ്മയ്ക്ക് മക്കള് എന്തുതെറ്റുചെയ്താലും ക്ഷമിക്കാന് കഴിയും. മനുഷ്യന് എന്തു പാപം ചെയ്താലും അതെല്ലാം ക്ഷമിച്ചു അവനെ തന്നിലേയ്ക്കടുപ്പിക്കുകയാണു ഗുരുവായൂരപ്പന് ചെയ്യുന്നത്. ”പിതാഹമത്ര ജഗതോ മാതാ ധാതാ പിതാമഹഃ” (ഈ ലോകത്തിന്റെ പിതാവും മാതാവും പിതാമഹനും ഞാന് തന്നെയാണ്. ഭഗവദ്ഗീത 9-17) എന്നു ഭഗവാന് കുരുക്ഷേത്ര പുണ്യഭൂമിയില് വച്ചു പ്രഖ്യാപിച്ചിട്ടുണ്ട്.
892. പിതാമഹഃ – പിതാമഹന്. സാമാന്യ വ്യവഹാരത്തില് അച്ഛന്റെ അച്ഛനാണു പിതാമഹന്. ഗുരുവായൂരപ്പന്റെ നാമമായി സ്വീകരിക്കുമ്പോള് പിതൃപരമ്പരയുടെ പിതാവ്, ആദി പിതാവ് എന്ന് അര്ത്ഥം കല്പ്പിക്കാം. ബ്രഹ്മദേവന്റെ പര്യായമായി ഈ പദം പ്രസിദ്ധമാണ്. ലോകപിതാക്കളായ മരീചി തുടങ്ങിയവര്ക്കും അര്യമാ തുടങ്ങിയ പിതൃക്കള്ക്കും പിതാവായവന് എന്നു വ്യാഖ്യാനിക്കാം. ബ്രഹ്മാവും ഗുരുവായൂരപ്പന്റെ ഒരു മൂര്ത്തിയാകയാല് ഈ നാമം ബ്രഹ്മാവിന്റെ രൂപത്തില് ഗുരുവായൂരപ്പനെ സ്തുതിക്കുന്നനായി വ്യാഖ്യാനിക്കാം. മുന് ശ്ലോകത്തിന്റെ വ്യാഖ്യാനത്തില് ഉദ്ധരിച്ച ”പിതാഹമത്രജഗതോ മാതാ ധാതാ പിതാമഹഃ” എന്ന ഭഗവാന്റെ വാക്കുകളും ഓര്ക്കുക.
(തുടരും)
ഡോ. ബി.സി.ബാലകൃഷ്ണന്
