ഉണര്ന്നിരിക്കുന്ന ഓരോ നിമിഷവും നിന്റെ കര്ത്തവ്യങ്ങള് നിറവേറ്റാനുപയോഗിക്കുന്നു. നിന്റെ ആരാധന, കടമകള് കൃത്യമായി നിര്വഹിക്കുന്നതിലൂടെയാണ് സ്പഷ്ടമാകേണ്ടത്.
കര്ത്തവ്യങ്ങള് തന്നെ ഭഗവാനാണ്. രാത്രി മുഴുവനും നിദ്രയില് ലയിച്ച് സമയം പാഴാക്കരുത്. ജാഗ്രത്തിലും നിദ്രയിലമര്ന്ന് സമയം വ്യര്ത്ഥമാക്കരുത്. ആലസ്യം നിന്റെ കൃത്യനിര്വ്വഹണത്തിന് വിഘാതമാകുന്നു. സേവനത്തില്നിന്നും, നിന്നെ അത് വളരെ അകലേയ്ക്ക് കൊണ്ടുപോകുന്നു.
ആത്മബോധമില്ലാതെ, മനസ്സ് നിദ്രയിലാഴ്ന്ന് പോകുമ്പോള്, ശരീരം അതിന്റെ കാര്യങ്ങളേയും കര്ത്തവ്യങ്ങളേയും കുറിച്ച് മറന്നുപോകുന്നു. ശക്തിമാനായി മനസ്സിനോട് പോരാടൂ ശരീരത്തെ ഉണര്ത്തൂ. നിന്നെ ഏല്പ്പിച്ച കാര്യങ്ങളെല്ലാം പൂര്ത്തിയാക്കൂ. നിന്റെ നിത്യവുമുള്ള പ്രാര്ത്ഥന ഇതാകട്ടെ. അത് ഭഗവാനോട് പ്രേമം പ്രകടിപ്പിക്കാനുള്ള മാര്ഗ്ഗമായി മാറട്ടെ.
