കൊച്ചി: ഇന്ത്യന് ജിയോടെക്നിക്കല് സൊസൈറ്റി (ഐജിഎസ്) കൊച്ചി ചാപ്റ്ററും ഡീപ് ഫൗണ്ടേഷന് ഇന്സ്റ്റിറ്റിയൂട്ടും (ഡിഎഫ്ഐ) ചേര്ന്ന് പൈലിങ്ങ് ഡിസൈനും പ്രാക്റ്റീസും എന്ന വിഷയത്തെ ആധാരമാക്കി നടത്തുന്ന ദ്വിദിന സെമിനാര് കൊച്ചിയില് ഐജിഎസ് പ്രസിഡന്റ് ഡോ. ജി.എന്. ഗാന്ധി ഉദ്ഘാടനം ചെയ്തു.
മേയര് ടോണി ചമ്മിണി മുഖ്യാതിഥിയായിരുന്നു. കൊച്ചി നഗരത്തിലെ സങ്കീര്ണമായ ഫൗണ്ടേഷന് പ്രശ്നങ്ങളെപ്പറ്റി മേയര് വിശദീകരിച്ചു. പൈലുകള് ചെലവു കുറഞ്ഞതും കുറ്റമറ്റതുമാക്കുവാന് ഐജിഎസ് നടത്തുന്ന പ്രവര്ത്തനങ്ങളെ അഭിനന്ദിച്ചമേയര് പൈലിങ്ങ് പ്രവര്ത്തനങ്ങളിലുളള കാലതാമസം ഒഴിവാക്കാന് സെമിനാര് ഊന്നല് നല്കണമെന്ന് നിര്ദേശിച്ചു.
കാലിക പ്രാധാന്യമുളള വിഷയങ്ങളില് ഐജിഎസ് നടത്തുന്ന പ്രവര്ത്തനങ്ങളെപ്പററി ഡോ. ഗാന്ധി സംസാരിച്ചു. യുവ ഗവേഷകരെ സഹായിക്കാന് പുതിയതായി ആരംഭിക്കുന്ന സഹായനിധികളെപ്പറ്റിയും അദ്ദേഹം സംസാരിച്ചു.
ഡിഎഫ്ഐ ബോര്ഡ് മെമ്പര് ഡോ. ജയിംസ് മോറിസണ് പൈലിങ്ങിലുളള നൂതന പ്രവണതകളെപ്പറ്റി സംസാരിച്ചു. പൈലിങ്ങ് യന്ത്രങ്ങളിലുളള വികസനങ്ങള് ആഗോളതലത്തില് പ്രചരിപ്പിക്കുവാന് ഡിഎഫ്ഐ നടത്തുന്ന ശ്രമങ്ങളിലേക്ക് ഡോ. മോറിസണ് വിരല്ചൂണ്ടി. കൊച്ചിയിലെ പൈലിങ്ങ് പ്രവര്ത്തനങ്ങളുമായി സഹകരിക്കാനുളള സന്നദ്ധതയും അദ്ദേഹം അറിയിച്ചു. ഡിഎഫ്ഐയുടെ ഇന്ത്യയിലെ പ്രവര്ത്തനങ്ങള് ഡോ. രാമകൃഷ്ണ വിശദീകരിച്ചു.
ചാപ്റ്റര് ചെയര്മാന് എം.ഡി. നായര് സ്വാഗതം പറഞ്ഞു. സെമിനാറില് പങ്കെടുക്കുന്ന വിദഗ്ധരെപ്പറ്റിയും അവര് അവതരിപ്പിക്കുന്ന പ്രബന്ധങ്ങളെപ്പറ്റിയും ഐജിഎസ് പേട്രണ് ഡോ. ബാബു ടി. ജോസ് വിശദീകരിച്ചു. സെക്രട്ടറി ഡോ. അനില് ജോസഫ് നന്ദി പറഞ്ഞു.
