വ്യത്യസ്ത കഥാപാത്രങ്ങള് തെരഞ്ഞെടുക്കുന്നതില് എന്നും ശ്രദ്ധ പുലര്ത്തിയിട്ടുള്ള ഉര്വശി ഇപ്പോഴിത ഇന്ദ്രന്സിന്റെ ഭാര്യയായും അഭിനയിക്കാന് ഒരുങ്ങുന്നു. കഥയും കഥാപാത്രവും മികച്ചതായിരുന്നാലും നായകന്റെ പേര് കേള്ക്കുമ്പോള് അഭിനയിക്കാതെ പിന്മാറുന്ന നായികമാരുടെ ഗണത്തില് തന്നെ ഉള്പ്പെടുത്തരുതെന്ന് വ്യക്തമാക്കുകയാണ് ഉര്വശി. സജീവ് പാഴൂര് സംവിധാനം ചെയ്യുന്ന പൊന്മുട്ട എന്ന ചിത്രത്തിലാണ് ഇന്ദ്രന്സിന്റെ ഭാര്യയായി ഉര്വശി എത്തുന്നത്. കൃഷി ഉപജീവനമാര്ഗ്ഗമാക്കിയ ഒരു കുടുംബത്തിന്റെ കഥയാണ് പൊന്മുട്ട പറയുന്നത്.
സ്ഥിരമായി കോമഡി വേഷങ്ങളില് പ്രത്യക്ഷപ്പെട്ടിരുന്ന ഇന്ദ്രന്സ് തനിക്ക് സീരിയസ് കഥാപാത്രങ്ങളും വഴങ്ങും എന്ന് സമീപകാലത്തായി തെളിയിച്ചുകൊണ്ടിരിക്കുകയാണ്. ആര്.ശരത് സംവിധാനം ചെയ്ത ബുദ്ധന് ചിരിക്കുന്നു എന്ന ചിത്രത്തില് നാടകക്കമ്പക്കാരനായ ഒരു തയ്യല്ക്കാരന്റെ വേഷത്തിലാണ് ഇന്ദ്രന്സ് അഭിനയിച്ചിരിക്കുന്നത്. ഉര്വശിയും ഇപ്പോള് തികച്ചും വ്യത്യസ്തങ്ങളായ കഥാപാത്രങ്ങള് തെരഞ്ഞെടുക്കുന്നതിലാണ് ശ്രദ്ധിക്കുന്നത്.
