യഭൂമിയില് ധര്മപീഠം സ്ഥാപിക്കേണ്ടത് കാലത്തിന്റെ നിയോഗമാണെന്ന് വ്യക്തമായി. അതിനുവേണ്ടി കാലം കണ്ടെത്തിയ സ്ഥലമാകട്ടെ കര്ണാടക സംസ്ഥാനത്തില്പ്പെട്ട കൊല്ലൂരില്. കേരളത്തിലെ ഒരു ഉള്ഗ്രാമത്തില് ജനിച്ച തഥാതനെ അവിടെനിന്നും എത്രയോ ദൂരെ കൊല്ലൂരില് വരുത്തി ധര്മപീഠം പണിയാന് കാലം കളമൊരുങ്ങുന്നു. എന്താണ് ഈ സ്ഥലം തെരഞ്ഞെടുക്കാന് കാരണം? അതിന്റെ മഹിമകള് എന്തൊക്കെയാണ്? അതും നിങ്ങള് അറിഞ്ഞിരിക്കണമല്ലോ?
ഈ സ്ഥലത്താണ് പ്രശസ്തമായ കൊല്ലൂര് ശ്രീ മൂകാംബിക ക്ഷേത്രം ഉള്ളത്. പണ്ട് ഈ സ്ഥലം കോലാപുരി എന്നാണ് അറിയപ്പെട്ടിരുന്നത്. വളരെകാലം മുമ്പ് കോലമഹര്ഷിക്ക് പരാശക്തിയെ തപസ്സു ചെയ്ത് പരാജയപ്പെടുത്തിയ ഇടമാണ് ഇത്. കോലമഹര്ഷി ഇവിടെയാണ് തപസ്സ് ചെയ്യാനും ഒരു കാരണം ഉണ്ടായിരുന്നു. പ്രപഞ്ചശക്തിയെ ആകര്ഷിച്ച് പ്രസരിപ്പിക്കാന് പറ്റിയ സ്ഥലമാണ് ഇതെന്ന് മനസ്സിലാക്കിയാണ് കോലമഹര്ഷി ഈ സ്ഥലത്തെ തപസ്സനുഷ്ഠിക്കാനായി തെരഞ്ഞെടുത്തത്. മുന്കാലങ്ങളില് സപ്തര്ഷികളും വേദവിത്തുക്കളായ ഋഷീശ്വരന്മാരും ഈ സ്ഥലത്തെ ആശ്രയിക്കുകയും യജ്ഞാദികള് അനുഷഠിക്കുകയും ചെയ്തിട്ടുണ്ട്. കാലാകാലങ്ങളില് വലിയ തപോധന്മാരും മുനിവര്യന്മാരും ഈ സ്ഥലത്ത് തപസ്സ് അനുഷ്ഠിക്കുകയും എല്ലാ ദേവസാന്നിദ്ധ്യങ്ങളേയും പ്രത്യക്ഷപ്പെടുത്തുകയും ചെയ്തുവന്നിട്ടുണ്ട്.
-തഥാതന്
