കൊച്ചി: രാഷ്ട്രീയ രംഗത്ത് ആദര്ശങ്ങള്ക്കും മൂല്യങ്ങള്ക്കും പ്രസക്തി നഷ്ടപ്പെട്ടുകൊണ്ടിരിക്കുന്ന കാലത്തില് കെ.ജി. മാരാര് ആദര്ശരാഷ്ട്രീയത്തിന്റെ റോള്മോഡലായിരുന്നുവെന്ന് ബിജെപി അഖിലേന്ത്യാ സെക്രട്ടറി പി.കെ. കൃഷ്ണദാസ് പ്രസ്താവിച്ചു. ബിജെപി ജില്ലാ കമ്മറ്റി എറണാകുളം വൈഎംസിഎയില് സംഘടിപ്പിച്ച കെ.ജി. മാരാര് അനുസ്മരണസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ത്യാഗികളും ബലിദാനികളും ആദര്ശവാദികളുമായ നിരവധി പ്രവര്ത്തകരുടെ നിരയാണ് കേരളത്തിലെ ബിജെപിയെ മുന്നോട്ടുനയിക്കുന്നത്. കേരളത്തിലെ മുന്നണി രാഷ്ട്രീയം അവസരവാദ രാഷ്ട്രീയത്തിന്റെ മാതൃകയാണ്. മത-വര്ഗീയ ശക്തികളെയും ഭീകരവാദികളെയും പ്രീണിപ്പിക്കുന്ന ഇരുകൂട്ടരും മത്സരിക്കുമ്പോള് വോട്ടുബാങ്കുകളില്ലാത്തവര്ക്ക് നീതി നിഷേധിക്കപ്പെടുന്നു, അദ്ദേഹം സൂചിപ്പിച്ചു.
ചടങ്ങില് ജില്ലാ പ്രസിഡന്റ് അഡ്വ. പി.ജെ. തോമസ് അധ്യക്ഷത വഹിച്ചു. സംസ്ഥാന ജനറല് സെക്രട്ടറി എ.എന്. രാധാകൃഷ്ണന്, എന്.പി. ശങ്കരന്കുട്ടി, നെടുമ്പാശ്ശേരി രവി, കെ.പി. രാജന്, എല്. സജികുമാര്, മേഖലാ സംഘടനാ സെക്രട്ടറി എം.കെ. ധര്മ്മരാജന് തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: