വാഷിംഗ്ടണ്: അഭിപ്രായ വോട്ടെടുപ്പുകളില് ഇന്ത്യയുടെ അടുത്ത പ്രധാനമന്ത്രിയാകുമെന്ന് വിലയിരുത്തുന്ന നരേന്ദ്ര മോദിയെ ഭിന്നിപ്പിക്കുന്നയാളായി ലോകം കാണുന്നില്ലെന്നും മറിച്ച് പരിഷ്കര്ത്താവായിട്ടാണ് കാണുന്നതെന്നും അമേരിക്കന് രാഷ്ട്രീയ നേതാവ് നെറ്റ് ഗിംഗ് റിച്ച്. കസാഖിസ്ഥാനിലെ തലസ്ഥാന നഗരിയായ അസ്താനയില് നടന്ന പന്ത്രണ്ടാമത് യൂറേഷ്യന് മീഡിയ സമ്മേളനത്തില് പങ്കെടുത്ത് സംസാരിക്കുകയായിരുന്നു അദ്ദേഹം.
നല്ല ഭരാണാധികാരിയും സാമ്പത്തിക വളര്ച്ചയ്ക്ക് നിധാനമാകുമെന്നും കരുതപ്പെടുന്ന മോദി ഹിന്ദു-മുസ്ലീം ബന്ധത്തിന് വഴിയൊരുക്കുമെന്നും ഗിംഗ് റിച്ച് പറഞ്ഞു. ഈ രണ്ട് സമുദായങ്ങളെ കൂടാതെ സിഖ്-ക്രിസ്ത്യന് സമുദായങ്ങളെയും എങ്ങനെ കൈകാര്യം ചെയ്യുമെന്നുള്ളത് മോദി തെളിയിച്ചു തരുമെന്നും ഗിംഗ് റിച്ച് വ്യക്തമാക്കി. സമുദയങ്ങള് തമ്മിലുള്ള കൂട്ടിയോജിക്കലിന് കാരണമായാല് മോദി ആവശ്യപ്പെടുന്ന ക്ലീന് ചീറ്റിനും സാധ്യതയുണ്ട്.
1984ലെ സിഖ് വിരുദ്ധ കലാപത്തിന് കോണ്ഗ്രസ് പലവിധത്തിലും കാരണക്കാരായിട്ടുണ്ട്. കലാപത്തിലൂടെ ഉടലെടുത്ത മുസ്ലീങ്ങളുടെ ദേഷ്യം തണുപ്പിക്കാന് മോദി വേണ്ടത്ര പരിശ്രമിച്ചിട്ടുണ്ട്. -ഗിംഗ് റിച്ച് പറഞ്ഞു. ഇന്ത്യയുടെ ജനസംഖ്യയില് 80 ശതമാനം ഹിന്ദുക്കളാണ്, 15 ശതമാനം മാത്രമാണ് മുസ്ലീങ്ങള്. എന്നിട്ടും തനിക്ക് മോദിയെ ഭിന്നിപ്പിക്കുന്നയാളായി തോന്നിയിട്ടില്ലെന്ന് പലപ്രാവശ്യമായി നടത്തിയ ടെലി കോണ്ഫ്രന്സിന്റെ അടിസ്ഥാനത്തില് ഗിംഗ്റിച്ച് വ്യക്തമാക്കി.
മികച്ച സാമ്പത്തിക നേട്ടവും ഭരണവുമാണ് മോദി ലക്ഷ്യം വയ്ക്കുന്നതെന്നും അദ്ദേഹം കൂട്ടിച്ചേര്ത്തു.
