കോതമംഗലം: കാടും മേടും താണ്ടി കാടിന്റെ മക്കളുടെ ഹൃദയം തൊട്ടറിഞ്ഞ്‌ ഇടുക്കി പാര്‍ലമെന്റ്‌ മണ്ഡലം ബിജെപി സ്ഥാനാര്‍ത്ഥി അഡ്വ. സാബു വര്‍ഗീസ്‌ കുട്ടമ്പുഴ പഞ്ചായത്തില്‍ സന്ദര്‍ശനം നടത്തി. ആദിവാസി മേഖലയായ കണ്ടന്‍ പാറയില്‍ നിന്ന് ഉരുളന്‍തണ്ണിയിലേക്ക്‌ മാറ്റി പാര്‍പ്പിച്ച 65ഓളം വീടുകളില്‍ സന്ദര്‍ശനം നടത്തി പുനരധിവാസ പദ്ധതികള്‍ പൂര്‍ണ്ണമായും സര്‍ക്കാര്‍ നടപ്പിലാക്കാത്തതിന്റെ ആവലാതികള്‍ കേട്ട്‌ അവരെ ആസ്വസിപ്പിച്ച്‌ ഉച്ചയോടെയാണ്‌ അദ്ദേഹം കാടിറങ്ങിയത്‌. രാവിലെ കുട്ടമ്പുഴ പഞ്ചായത്തിലെ വടാട്ടുപാറ, കുട്ടമ്പുഴ എന്നി സ്ഥലങ്ങളിലും ഉച്ചയ്ക്ക് ശേഷം നേര്യമംഗലം, നെല്ലിമറ്റം, വാരപ്പെട്ടി, തൃക്കാരിയൂര്‍, മുത്തംക്കുഴി, ചേറങ്ങനാല്‍, മാതിരപ്പിള്ളി, കറുകടം എന്നിവിടങ്ങളില്‍ റോഡ്‌ ഷോയും നടന്നു.
ബിജെപി മദ്ധ്യമേഖല സെക്രട്ടറി എം.എന്‍. ഗംഗാധരന്‍, സംസ്ഥാന കമ്മറ്റിയംഗം പി.വി. സജീവ്‌, ജില്ലാകമ്മറ്റിയംഗം പി.കെ. ബാബു, നിയോജക മണ്ഡലം തെരഞ്ഞെടുപ്പ്‌ രക്ഷാധികാരി എന്‍. സത്യന്‍, ഹിന്ദു ഐക്യവേദി താലൂക്ക്‌ ജനറല്‍ സെക്രട്ടറി ഇ.ടി. നടരാജന്‍, ബിജെപി നിയോജകമണ്ഡലം കണ്‍വീനര്‍ ടി.എസ്‌. സുനീഷ്‌, പഞ്ചായത്ത്‌ കമ്മറ്റി നേതാക്കളായ അജയന്‍ വടാട്ടുപാറ, വിജയന്‍ ആവോലിച്ചാല്‍, ടി.ആര്‍. പ്രദീപ്‌, എന്‍.ജി. അനില്‍, ബേബിനാഷ്‌, എം.വി. സജീവ്‌, കെ.എസ്‌. പ്രഭാകരന്‍, പി.ആര്‍. നാരായണയന്‍ നായര്‍, ശ്രീകുമാര്‍ കറുകടം എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: