ശിവനെ സംബന്ധിച്ച വളരെയധികം കഥകളുണ്ട്. അദ്ദേഹത്തെ നല്ലവനെന്നോ വൃത്തികെട്ടവനെന്നോ വിശേഷിപ്പിക്കാനാകാത്ത വിധമാണ് ആ കഥകള് പറഞ്ഞിരിക്കുന്നത്. സാധാരണയായി എല്ലാ സംസ്കാരങ്ങളിലും ദൈവത്തെ നല്ലതായാണ്, വളരെ നല്ലതായാണ്, ചിത്രീകരിച്ചുവന്നിട്ടുള്ളത്. എന്നാല് ലോകത്തിന്റെ ഈ ഭാഗത്ത് അങ്ങനെയല്ല. ചിലപ്പോള് ശരിയായ ഒരു യോഗി, മറ്റുചിലപ്പോള് ഒരു മുഴുക്കുടിയന്, മറ്റുചിലപ്പോള് വറൊരു രൂപം, ശിവന് അങ്ങനെയാണ്. നിങ്ങള്ക്ക് അദ്ദേഹമെന്ത് എന്നതിനെപ്പറ്റി ഒരു തീരുമാനത്തിലെത്താനാകില്ല. അദ്ദേഹം ഇത് ചെ യ്യുമെന്നോ ഇത് ചെയ്യുകയില്ലെന്നോ നിങ്ങള്ക്ക് പറയാന് കഴിയുകയില്ല. ചിലപ്പോള് ഒരു മഹാ തെമ്മാടി, ചിലപ്പോള് മഹാ ദിവ്യത്വമാര്ന്നവന്, മറ്റുചിലപ്പോള് മേറ്റ്ന്തോ, അദ്ദേഹം അങ്ങനെയാണ്. എല്ലാത്തരം പ്രകൃതിയും സ്വഭാവവും ശിവനില് ആരോപിക്കപ്പെട്ടിട്ടുണ്ട്. അദ്ദേഹം ഒരിടത്തുമില്ല; ഒന്നിലും ഒതുങ്ങി നില്ക്കുന്നില്ല.
അദ്ദേഹത്തിന് ഒരു ആകൃതിയുമില്ല. അതുകൊണ്ടാണിത്. നൈസര്ഗികഗുണങ്ങളേതുമില്ലാത്ത ചൈതന്യവുമായി നിങ്ങള്ക്ക് താദാത്മ്യം പ്രാപിക്കണമെങ്കില് അതിന് ഒരു രൂപം കൊടുത്തേ മതിയാവൂ. നിങ്ങള്ക്ക് ശിവനെ അംഗീകരിക്കാന് കഴിഞ്ഞാല് മറ്റേതു ജീവിയെയും അംഗീകരിക്കാനാകും. അതുകൊണ്ടാണ് ശിവനെ ഇങ്ങനെ ചിത്രീകരിച്ചിരിക്കുന്നത്. നിങ്ങള്ക്കറിയാമോ, ‘ദൈവ’മെന്ന് നിങ്ങള് പറയുമ്പോള് നിങ്ങള്ക്കദ്ദേഹം നല്ലവന്, നല്ലവന് മാത്രമാണ്.
– ജഗ്ഗിവാസുദേവ്
പ്രതികരിക്കാൻ ഇവിടെ എഴുതുക: