കൊച്ചി: എല്‍ഡിഎഫ്‌ സ്ഥാനാര്‍ത്ഥി ഡോ. ക്രിസ്റ്റി ഫെര്‍ണാണ്ടസ്‌ പൊതുപര്യടനം ആരംഭിച്ചു. പര്യടനത്തിന്റെ ഔപചാരികമായ ഉദ്ഘാടനം ഇന്നലെ കൊച്ചി നിയോജക മണ്ഡലത്തിലെ കുമ്പളങ്ങി പഞ്ചായത്തിലെ കുമ്പളങ്ങി നോര്‍ത്തില്‍ രാവിലെ ഡോ. സെബാസ്റ്റ്യന്‍ പോള്‍ നിര്‍വ്വഹിച്ചു. തുടര്‍ന്ന്‌ കുമ്പളങ്ങി പഞ്ചായത്തിന്റെ വിവിധ പ്രദേശങ്ങളിലും, ചെല്ലാനം സൗത്ത്‌, ചെല്ലാനം നോര്‍ത്ത്‌, നസ്രത്ത്‌, ഫോര്‍ട്ട്കൊച്ചി നോര്‍ത്ത്‌, ഫോര്‍ട്ട്കൊച്ചി സൗത്ത്‌ എന്നിവിടങ്ങളില്‍ 100 ഓളം കേന്ദ്രങ്ങളില്‍ തൊഴിലാളികളും, ഇടതുമുന്നണി പ്രവര്‍ത്തകരും സ്വീകരണം നല്‍കി. ഫോര്‍ട്ട്‌ കൊച്ചിയില്‍ പര്യടനം അവസാനിച്ചു.
നാളെ വൈപ്പിന്‍ മണ്ഡലത്തില്‍ പര്യടനം നടത്തും. രാവിലെ 7.30 ന്‌ പള്ളിപ്പുറം പഞ്ചായത്തില്‍നിന്ന്‌ ആരംഭിക്കുന്ന പര്യടനം ചെറായി, കുഴുപ്പിള്ളി, എടവനക്കാട്‌, നായരമ്പലം എന്നിവിടങ്ങളിലെ വിവിധ പ്രദേശങ്ങളില്‍ സഞ്ചരിച്ച്‌ വൈകീട്ട്‌ നായരമ്പലത്ത്‌ സമാപിക്കും.
പ്രതികരിക്കാൻ ഇവിടെ എഴുതുക: