294. ഗോവര്ധകഃ – ഗോവിനെ വര്ധിപ്പിക്കുന്നവന്, ഗോക്കളെ വര്ധിപ്പിക്കുന്നവന്, ഗോവര്ധന പര്വതമായി രൂപം ധരിച്ചവന്.
ശ്രീകൃഷ്ണന് ബാലലീലകളുമായി ബന്ധപ്പെട്ട നാമങ്ങളാണ് നാം ചര്ച്ചചെയ്തിരുന്നത്. അതിന്റെ തുടര്ച്ചയായി വ്യാഖ്യാനിക്കുമ്പോള് പശുക്കളെയും പശുക്കിടാങ്ങളെയും പരിപാലിക്കുന്നവന് എന്ന അര്ഥം മുഖ്യം. ഗോപാലനായി അമ്പാടിയിലാണല്ലോ ഭഗവാന് വളര്ന്നത്. പശുക്കിടാങ്ങളെ പരിപാലിക്കലായിരുന്നു കുട്ടിക്കാലത്ത്. കുറച്ചുവളര്ന്നപ്പോള് പശുക്കളെ പാലിക്കലായി. പിന്നെ ഭൂമിയെ പാലിക്കുന്നവനായി വളര്ന്നപ്പോഴും ഗോവര്ധനനായി തുടര്ന്നു. ഗോ ശബ്ദത്തിന് ഭൂമി എന്നര്ഥമുണ്ട്. അധര്മത്തെയും അധര്മികളെയും നശിപ്പിച്ചത് ഗോവര്ധനമായി. ഗോ ശബ്ദത്തിന് സ്വര്ണമെന്നും ദിക്കെ ന്നും അര്ഥമുണ്ട്. സ്വര്ഗത്തെയും ദിക്കുകളെയും രക്ഷിക്കുന്നതു കൊണ്ടും ഭഗവാന് ഗോവര്ധനനാണ്. ഗോശബ്ദത്തിന് ഇനിയും പല അര്ഥങ്ങളുണ്ട്. ഇവയില് പലതുമായി ചേര്ത്ത് ഭഗവാനെ ഗോവര്ധനനായി സ്തുതിക്കാം.krishna123A
ഇന്ദ്രന്റെ ദര്പ്പം അടങ്ങിയ കഥയാണല്ലോ മുന്നാമത്തില് ചര്ച്ചചെയ്തത്. ആ കഥാസന്ദര്ഭവുമായി ചേര്ത്തുചര്ച്ച ചെയ്താല് ഗോവര്ധന പര്വതത്തിന്റെ ചൈതന്യമായി രൂപം പൂണ്ട് ഗോപന്മാരുടെ നിവേദ്യം ഭുജിച്ചവന് എന്ന് അര്ഥം പറയാം.
(തുടരും)
ഡോ. ബി.സി.ബാലകൃഷ്ണന്
പ്രതികരിക്കാൻ ഇവിടെ എഴുതുക: