കൊച്ചി: ബിജെപി സ്ഥാനാര്‍ത്ഥി എ.എന്‍. രാധാകൃഷ്ണന്റെ തെരഞ്ഞെടുപ്പ്‌ പ്രചരണത്തോടനുബന്ധിച്ചുള്ള നിയോജകമണ്ഡലം കണ്‍വെന്‍ഷനുകള്‍ ഈയാഴ്ച ആരംഭിക്കും. ഇന്നലെ കൂടിയ ബിജെപി തെഞ്ഞെടുപ്പ്‌ കമ്മറ്റി യോഗം സ്ഥാനാര്‍ത്ഥി പര്യടനമടക്കുള്ള തെരഞ്ഞെടുപ്പ്‌ പ്രചരണപ്രവര്‍ത്തനങ്ങള്‍ക്ക്‌ രൂപംനല്‍കി. വിവിധ സ്ഥലങ്ങളിലെ നിയോജകമണ്ഡലം കണ്‍വെന്‍ഷനുകളില്‍ പാര്‍ട്ടിയുടെ സംസ്ഥാന ദേശീയ നേതാക്കള്‍ പങ്കെടുക്കും.
തെരഞ്ഞെടുപ്പ്‌ പ്രചരണത്തിന്റെ ഭാഗമായി ഇന്നലെ സ്ഥാനാര്‍ത്ഥി എ.എന്‍. രാധാകൃഷ്ണന്‍ പറവൂരില്‍ വോട്ടര്‍മാരെ സന്ദര്‍ശിച്ചു. വ്യാപാരികള്‍ ഉള്‍പ്പെടെയുളളവരെ കണ്ട്‌ വോട്ടഭ്യര്‍ത്ഥിക്കാന്‍ ഇന്നലെ അദ്ദേഹം സമയം കണ്ടെത്തി. അതിനുശേഷം ചേരാനെല്ലൂരിലെത്തിയ അദ്ദേഹം ചില മരണവീടുകള്‍ സന്ദര്‍ശിച്ചു. വൈകീട്ട്‌ ഉദയംപേരൂരിലും, തൃപ്പൂണിത്തുറയിലും ബിജെപി മഹിളാമോര്‍ച്ച സംഘടിപ്പിച്ച മഹിളാസംഗമത്തില്‍ അദ്ദേഹം പങ്കെടുത്തു.
പ്രതികരിക്കാൻ ഇവിടെ എഴുതുക: