കൊച്ചി: ആദ്യ ഘട്ട പ്രചാരണത്തില്‍ ശ്രദ്ധേയമുന്നേറ്റം നടത്താന്‍ കഴിഞ്ഞതിന്റെ ആത്മവിശ്വാസത്തിലാണ്‌ എറണാകുളം പാര്‍ലമെന്റ്‌ നിയോജകമണ്ഡലത്തിലെ ബിജെപി നേതാക്കളും പ്രവര്‍ത്തകരും. മണ്ഡലത്തിലെമ്പാടും സജീവ സാന്നിധ്യമായി കഴിഞ്ഞ പാര്‍ട്ടി സ്ഥാനാര്‍ത്ഥിയും സംസ്ഥാന ജനറല്‍ സെക്രട്ടറിയുമായ എ.എന്‍. രാധാകൃഷ്ണന്‍. ഇക്കുറി ചരിത്രം മാറ്റിയെഴുതുമെന്ന്‌ അവര്‍ ഉറച്ച്‌ വിശ്വസിക്കുന്നു. അടിത്തറയുള്ള കരുത്തരായ പ്രവര്‍ത്തകരും, സോഷ്യല്‍ മീഡിയാ നെറ്റ്‌ വര്‍ക്കുകളുമാണ്‌ സ്ഥാനാര്‍ത്ഥിയുടെ പ്രചരണത്തിഞ്ചുക്കാന്‍ പിടിക്കുന്നത്‌. മണ്ഡലത്തിലെ എല്ലാ മേഖലകളിലും ബി ജെ പി സ്ഥാനാര്‍ത്ഥിയുടെ ചുവരെഴുത്തുകള്‍ പൂര്‍ത്തിയായി.
ഇടതു വലതു മുന്നണികളുടെ വഞ്ചനയില്‍ താറുമാറായി പോയ സംസ്ഥാനത്തിന്റെ ദുസ്ഥിതിയാണ്‌ പാര്‍ട്ടി പ്രധാനമായും ഉയര്‍ത്തിക്കാട്ടുന്നത്‌. വളരെ നേരത്തെ പ്രചാരണം തുടങ്ങാന്‍ കഴിഞ്ഞതു കൊണ്ട്‌ ഇതിനോടകം തന്നെ ഏറെ മുന്നേറാന്‍ സാധിച്ചതായി ബിജെപി ജില്ലാ പ്രസിഡന്റ്‌ പി.ജെ. തോമസ്‌ പറഞ്ഞു.
എറണാകുളം പാര്‍ലമെന്റ്‌ നിയോജകമണ്ഡലത്തിലെ ജനങ്ങള്‍ വലിയൊരു മാറ്റം ആഗ്രഹിക്കുന്നു, ആ മാറ്റമാണ്‌ എ.എന്‍. രാധാകൃഷ്ണനിലൂടെ ബിജെപി വാഗ്ദാനം ചെയ്യുന്നത്‌. പ്രാരംഭ?ഘട്ടത്തില്‍ തന്നെ ലഭിക്കുന്ന പ്രതികരണം ആവേശകരമാണ്‌. ബിജെപി ഇക്കുറിയിവിടെ ചരിത്രമെഴുതുക തന്നെ ചെയ്യും അദ്ദേഹം കൂട്ടിച്ചേര്‍ത്തു. നരേന്ദ്ര മോഡിക്കനുകൂലമായ ഈ വികാരം ഈ മല്‍സരത്തില്‍ ബിജെപിക്ക്‌ ഏറെ ഗുണം ചെയ്യും. അന്യസംസ്ഥാന വോട്ടര്‍മാര്‍ ബിജെപിക്കൊപ്പമാണന്നും അദ്ദേഹം പറഞ്ഞു.
