കൊച്ചി: നരേന്ദ്രമോഡിക്കും ഗുജറാത്ത്‌ ജനതയ്‌ക്കും അഭിവാദ്യങ്ങളര്‍പ്പിച്ച്‌ ബിജെപി പ്രവര്‍ത്തകര്‍ നഗരത്തില്‍ പ്രകടനം നടത്തി. വാദ്യമേളങ്ങളുടെ അകമ്പടിയോടെ നടന്ന പ്രകടനത്തില്‍ പടക്കം പൊട്ടിച്ചും മധുരപലഹാരങ്ങള്‍ വിതരണം ചെയ്തും പ്രവര്‍ത്തകര്‍ വിജയം ആഘോഷിച്ചു. ബിജെപി ഓഫീസ്‌ പരിസരത്തുനിന്നും ആരംഭിച്ച പ്രകടനത്തിന്‌ എറണാകുളം നിയോജകമണ്ഡലം പ്രസിഡന്റ്‌ കെ.എസ്‌.സുരേഷ്‌ കുമാര്‍, പി.ജി.അനില്‍ കുമാര്‍, യു.ആര്‍.രാജേഷ്‌, കെ.അജിത്‌, ജലജ ആചാര്യ, സന്ധ്യ ജയപ്രകാശ്‌, സംശോധ്‌, അയ്യപ്പന്‍കാവ്‌ മുരളി, സി.ജി.രാജഗോപാല്‍, ഉപേന്ദ്രനാഥ പ്രഭു, എച്ച്‌.ദിനേശ്‌, ദിലീപ്‌ കുമാര്‍, പ്രശാന്ത്‌ കുമാര്‍ തുടങ്ങിയവര്‍ നേതൃത്വം നല്‍കി.
ബിജെപി വൈറ്റില മേഖലാ കമ്മറ്റിയുടെ ആഭിമുഖ്യത്തില്‍ നരേന്ദ്രമോഡിക്ക്‌ അഭിവാദ്യങ്ങളര്‍പ്പിച്ച്‌ പ്രകടനം നടത്തി. കടവന്ത്രയില്‍നിന്ന്‌ ആരംഭിച്ച പ്രകടനം ബിജെപി തൃക്കാക്കര നിയോജകമണ്ഡലം ജനറല്‍ സെക്രട്ടറി ജയ്സണ്‍ ഇളങ്കുളം ഉദ്ഘാടനം ചെയ്തു.
കോതമംഗലം: കോതമംഗലത്ത്‌ ബിജെപി പ്രവര്‍ത്തകര്‍ ആഹ്ലാദപ്രകടനം നടത്തി. ബിജെപി നേതാക്കളായ സന്തോഷ്‌ പത്മനാഭന്‍, എം.എന്‍.ഗംഗാധരന്‍, പി.കെ.ബാബു, അനില്‍ ആനന്ദ്‌, ടി.എസ്‌.സുനീഷ്‌ എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: