കോട്ടയം: ആഭ്യന്തരമന്ത്രിയുടെ ഓഫീസിലേക്ക് നടന്ന മാര്ച്ചില് പ്രസംഗിച്ചതിന്റെ പേരില് ഹിന്ദുനേതാവായ കുമ്മനം രാജശേഖനും ബിജെപി ദേശീയ നേതാവായ പി.കെ.കൃഷ്ണദാസിനും സ്വാമി അയ്യപ്പദാസിനും എതിരെ കേസെടുത്ത നടപടി ആഭ്യന്തരമന്ത്രിയുടെ വര്ഗ്ഗീയപ്രീണനത്തിന്റെ ഉത്തമ ഉദാഹരണമാണെന്ന് ഹിന്ദുഐക്യവേദി ജില്ലാ നേതൃത്വം. ആഭ്യന്തരമന്ത്രി തിരുവഞ്ചൂര് രാധാകൃഷ്ണന് നേരിട്ട് നിര്ദ്ദേശം നല്കിയതിനേ തുടര്ന്നാണ് നേതാക്കള്ക്കെതിരെ കേസെടുത്തതെന്നാണ് പോലീസ് ഉദ്യോഗസ്ഥര് പറയുന്നത്. കോടതിവിധി ലംഘിച്ച് പ്രവര്ത്തിക്കുന്ന സ്വര്ഗ്ഗീയവിരുന്നിന് സംരക്ഷണം നല്കുന്നതില് പ്രതിഷേധിച്ച് മാര്ച്ച് നടത്തിയ അഞ്ഞൂറോളം പ്രവര്ത്തകര്ക്കെതിരെ മന്ത്രിയുടെ നിര്ദ്ദേശപ്രകാരം പോലീസ് കേസെടുത്തിരിക്കുന്നത് അപലപനീയമാണെന്നും ഹിന്ദുഐക്യവേദി ജില്ലാ സംഘടനാസെക്രട്ടറി എം.വി.ഉണ്ണികൃഷ്ണന് പ്രസ്താവിച്ചു.
നാളുകള്ക്കു മുമ്പ് ഓര്ത്തഡോക്സ് സഭക്കാര് മന്ത്രിയുടെ ഓഫീസിലേക്ക് മാര്ച്ച് നടത്തി ചില്ലുകള് അടിച്ചു തകര്ത്തവരെ വിട്ടയക്കാന് ആഭ്യന്തരമന്ത്രി നേരിട്ടാണ് നിര്ദ്ദേശം നല്കിയത്. അത്യന്തം പ്രകോപനപരമായി അക്രമമഴിച്ചുവിട്ടുകൊണ്ട് പരിപാടി നടത്തിയിട്ടും പ്രതികളെ പിടികൂടുന്നതിനു പകരം അവരെ മതത്തിന്റെ പേരില് സംരക്ഷിക്കുകയായിരുന്നു മന്ത്രി ചെയ്തത്. ഹിന്ദുഐക്യവേദിയുടെ പ്രതിഷേധപരിപാടിക്കു മൈക്ക് ഉപയോഗിക്കുന്നതിനുള്ള അനുമതി നല്കാതിരിക്കുന്നതിനും മന്ത്രിയുടെ ഓഫീസ് ശ്രമിച്ചിട്ടുണ്ട്. ചില പോലീസുകാരും പരിപാടി തടസ്സപ്പെടുത്താന് ബോധപൂര്വ്വമായ ശ്രമങ്ങള് നടത്തിയിട്ടുണ്ട്. പരിപാടി നടക്കുന്ന സ്ഥലത്തുകൂടി ഗതാഗത തടസ്സമുണ്ടാക്കതെ വാഹനങ്ങള് കടത്തിവിട്ടത് ഹിന്ദുഐക്യവേദി പ്രവര്ത്തകരാണ്. എസ്.പി അഭ്യര്ത്ഥിച്ച പ്രകാരം പ്രവര്ത്തകര് പോലീസിനോട് സഹകരിക്കുകയും ചെയ്തതാണ്. എന്നാല് പ്രതിഷേധ പരിപാടി കഴിഞ്ഞ ഉടന്തന്നെ വിളിച്ചു മന്ത്രി നിര്ദ്ദേശം നല്കിയതനുസരിച്ചാണ് ഹിന്ദുനേതാക്കള്ക്കെതിരെ കേസെടുത്തതെന്നാണ് അറിയുന്നത്. സ്വര്ഗ്ഗീയവിരുന്ന് നടത്തിപ്പുകാര്ക്കുവേണ്ടി ഹിന്ദുസമുദായത്തേയും ഹിന്ദുനേതാക്കളേയും അപമാനിക്കുകയും കള്ളക്കേസില് കുടുക്കുകയും ചെയ്യുന്ന ആഭ്യന്തരമന്ത്രിയുടെ നിലപാടുകള് ഹിന്ദുസമൂഹം തിരിച്ചറിയണം. ഹിന്ദുക്കളെ മതംമാറ്റാന് കൂട്ടുനില്ക്കുന്ന തങ്കുപാസ്റ്റര്ക്കു വേണ്ട ഒത്താശ ചെയ്യുന്നത് ആഭ്യന്തരമന്ത്രി നേരിട്ടാണെന്നാണ് ഇതെല്ലാം നല്കുന്ന സൂചന. 3200ഓളം ഈഴവ വിഭാഗത്തില്പെട്ടവരേയാണ് തങ്കുപാസ്റ്റര് സ്വര്ഗ്ഗീയവിരുന്നിലൂടെ മതംമാറ്റിയിരിക്കുന്നത്. നൂറിലധികം നായര് വിഭാഗക്കാരേയും 600ഓളം വിശ്വകര്മ്മജരേയും മതംമാറ്റിയിട്ടുണ്ട്. ഹിന്ദുക്കളെ മതം മാറ്റാന് കൂട്ടുനില്ക്കുന്ന ആഭ്യന്തരമന്ത്രിയേയും ജില്ലാ കളക്ടറേയും തിരിച്ചറിയണമെന്നും എം.വി.ഉണ്ണികൃഷ്ണന് പറഞ്ഞു. ക്രിസ്ത്യന് പ്രീണനം നടത്തി മതേതരവാദിയാണെന്നു കാണിക്കുന്നതിനും ഹിന്ദുസമുദായാംഗമെന്ന ‘കുറവ്’ പരിഹരിക്കാനുമുള്ള പരിഹാസ്യമായ തന്ത്രങ്ങളാണ് മന്ത്രി നടത്തുന്നതെന്നും എം.വി.ഉണ്ണികൃഷ്ണന് ആരോപിച്ചു.
