കോട്ടയം: സമഗ്ര ആരോഗ്യ ഇന്ഷ്വറന്സ് പദ്ധതിയുടെ പ്രയോജനം അര്ഹരായ എല്ലാവര്ക്കും ലഭ്യമാക്കുന്നതിന് ശ്രദ്ധ ചെലുത്തണമെന്ന് ജില്ലാ കളക്ടര് മിനി ആണ്റ്റണി നിര്ദ്ദേശിച്ചു. പദ്ധതിയുടെ നടത്തിപ്പുമായി ബന്ധപ്പെട്ട് കളക്ട്രേറ്റ് കോണ്ഫറന്സ് ഹാളില് പഞ്ചായത്ത് പ്രസിഡണ്റ്റുമാരുടെയും മുനിസിപ്പല് പ്രതിനിധികളുടെയും യോഗത്തില് അധ്യക്ഷത വഹിച്ചു സംസാരിക്കുകയായിരുന്നു കളക്ടര്. പദ്ധതിയുടെ പ്രയോജനം ഏറ്റവുമധികം ലഭിച്ച ജില്ലകളിലൊന്നാണ് കോട്ടയം. ചികിത്സാരംഗത്ത് അനേകമാളുകള്ക്ക് ഗുണകരമായ പദ്ധതി കാര്യക്ഷമമായി നടപ്പാക്കുന്നതിന് പഞ്ചായത്ത് പ്രസിഡണ്റ്റുമാര് അംഗങ്ങളെ ബോധവല്ക്കരിക്കണം. ആരോഗ്യ ഇന്ഷ്വറന്സ് രജിസ്ട്രേഷണ്റ്റെ ചുമതലയുള്ള അക്ഷയ സെണ്റ്ററുകളെക്കുറിച്ച് പരാതികള് ഉണ്ടെങ്കില് ബോധിപ്പിക്കണം. ടൂറിസം, ശുദ്ധജലവിതരണം തുടങ്ങി ജില്ലയില് കൂടുതല് സാധ്യതകളുള്ള മേഖലകളിലെ പ്രവര്ത്തനങ്ങള് സജീവമാക്കണമെന്നും കളക്ടര് പറഞ്ഞു. സമഗ്ര ആരോഗ്യ ഇന്ഷ്വറന്സ് പദ്ധതി ൨൦൧൩-൧൪ വര്ഷത്തേക്കുള്ള രജിസ്ട്രേഷന് നടപടികള് ഇന്നലെ ആരംഭിച്ച സാഹചര്യത്തിലാണ് പദ്ധതിയുടെ വിശദാംശങ്ങള് ചര്ച്ച ചെയ്യുന്നതിന് യോഗം ചേര്ന്നത്. ജില്ലയിലെ എല്ലാ അക്ഷയ കേന്ദ്രങ്ങളിലും സൗജന്യ രജിസ്ട്രേഷന് സൗകര്യമുണ്ട്. എ.പി.എല് കാര്ഡുടമകള്ക്കും റേഷന് കാര്ഡില്ലാത്തവര്ക്കും ആരോഗ്യ ഇന്ഷ്വറന്സ് പരിരക്ഷ നേടാം. റേഷന് കാര്ഡുള്ളവര് രജിസ്ട്രേഷനായി കാര്ഡും പകര്പ്പും അക്ഷയ സെണ്റ്ററില് ഹാജരാക്കണം. തൊഴിലാളികള് തൊഴിലിണ്റ്റെ സാക്ഷ്യപത്രം നല്കണം. നിലവില് ജില്ലയില് 1.79 ലക്ഷം കുടുംബങ്ങള് പദ്ധതിയില് അംഗങ്ങളാണ്. വഴിയോര കച്ചവടക്കാര്, ഗാര്ഹിക തൊഴിലാളികള്, റേഷന് കാര്ഡില്ലാത്തവര്, അഗതിമന്ദിരങ്ങളിലെ അന്തേവാസികള് തുടങ്ങി ൫൭ വിഭാഗങ്ങളില്പ്പെട്ടവര്ക്ക് പദ്ധതിയുടെ ആനുകൂല്യത്തിന് അര്ഹതയുണ്ടെന്ന് ആരോഗ്യ ഇന്ഷ്വറന്സ് ജില്ലാ അസിസ്റ്റണ്റ്റ് കോ ഓര്ഡിനേറ്റര് ലിബിന് കെ. കുര്യാക്കോസ് യോഗത്തില് അറിയിച്ചു. നിലവില് ഒരു മാസമാണ് രജിസ്ട്രേഷന് സമയപരിധി നിര്ണ്ണയിച്ചിട്ടുള്ളത്. ഡിസംബറില് കാര്ഡ് നല്കും. ഇന്ഷ്വറന്സ് പരിരക്ഷയുള്ളവര്ക്ക് കിടത്തി ചികിത്സയ്ക്ക് ൩൦,൦൦൦ രൂപയും ചിസ് പ്ളസ് പദ്ധതിപ്രകാരം ഗുരുതരമായ രോഗങ്ങള്ക്കുള്ള ചികിത്സയ്ക്ക് ൭൦,൦൦൦ രൂപയും ലഭിക്കും. ഗൃഹനാഥനോ ഗൃഹനാഥയോ അപകടത്തില് മരിച്ചാല് രണ്ടു ലക്ഷം രൂപവരെ ലഭിക്കും. യോഗത്തില് അഡീഷണല് ജില്ലാ മജിസ്ട്രേറ്റ് ടി.വി. സുഭാഷ്, ജില്ലാ ലേബര് ഓഫീസര് രാധാകൃഷ്ണന് നായര്, വൈക്കം മുനിസിപ്പല് ചെയര്പേഴ്സണ് ശ്രീലതാ ബാലചന്ദ്രന്, കോട്ടയം മുനിസിപ്പാലിറ്റി ആരോഗ്യ സ്റ്റാണ്റ്റിംഗ് കമ്മിറ്റി ചെയര്മാന് വി.കെ. അനില് കുമാര്, ജില്ലയിലെ പഞ്ചായത്ത് പ്രസിഡണ്റ്റുമാര്, മുനിസിപ്പല് ഭരണസമിതി പ്രതിനിധികള് തുടങ്ങിയവര് പങ്കെടുത്തു.
ആരോഗ്യ ഇന്ഷ്വറന്സ് പദ്ധതി രജിസ്ട്രേഷന്: കാര്യക്ഷമമായ പ്രവര്ത്തനം വേണമെന്ന് കളക്ടര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.