എരുമേലി: സ്വകാര്യവ്യക്തി കയ്യേറിയ ആറ്റുപുറംമ്പോക്ക് ഭൂമി കെട്ടിതിരിച്ച് പണിത വേലി നശിപ്പിച്ചതിനെ എരുമേലി ഗ്രാമപഞ്ചായത്ത് ഹൈക്കോടതിയില് പരാതി നല്കി. കഴിഞ്ഞ പത്ത് വര്ഷമായി നടന്ന നിയമപോരാട്ടങ്ങളെ തുടര്ന്ന് കാഞ്ഞിരപ്പള്ളി, പാല കോടതികളുടെ ഉത്തരവുകളുടെ അടിസ്ഥാനത്തിലാണ് പഞ്ചായത്തധികൃതര് വേലികെട്ടി ബോര്ഡുകള് സ്ഥാപിച്ചത്. ഒരുങ്കല് കടവിനു സമീപത്തായി ഒന്നേകാല് ഏക്കറോളം വരുന്ന ആറ്റുപുറംമ്പോക്ക് ഭൂമിയാണിത്. കോടതിവിധികളെ തുടര്ന്ന് പഞ്ചായത്ത് വേലികെട്ടിയതിനെതിരെ സ്വക്രായവ്യക്തിയും കോടതിയില് പരാതി നല്കിയിരുന്നു. എന്നാല് പഞ്ചായത്തിന് അനുകൂലമായി വന്ന വിധിയെ തുടര്ന്ന് വേലികെട്ടിയതിനും ശേഷമാണ് സംഭവത്തില് കോടതി സ്റ്റേ സ്വകാര്യവ്യക്തി നേടിയതെന്നും പഞ്ചായത്ത് സെക്രട്ടറി എസ്. സുരേഷ്കുമാര് പറഞ്ഞു. എന്നാല് കോടതി സ്റ്റേ അനുകൂലമായ വിധിയാണെന്ന് വ്യാപകമായ പ്രചരണം നടത്തി സ്വകാര്യവ്യക്തി ഭൂമി വീണ്ടും കയ്യേറുകയാണുണ്ടായതെന്നും സെക്രട്ടറി പറഞ്ഞു. വേലി പൊളിച്ചതിനെതിരെ എരുമേലി പോലീസിനും കഴിഞ്ഞദിവസംതന്നെ പരാതി നല്കിയിരുന്നു. പുറംമ്പോക്ക് ഭൂമി കൈമാറ്റം, നിര്മ്മാണ പ്രവര്ത്തനങ്ങള് എന്നിവ തടഞ്ഞുകൊണ്ടുള്ള വിധിയാണ് ആദ്യമുണ്ടായത്. എന്നാല് വേലിപൊളിച്ചതിനെതിരെ പഞ്ചായത്ത് നല്കിയ പരാതിയില് പുറംമ്പോക്ക് ഭൂമിയില്നിന്നും ആദായമെടുക്കുന്നതിനെതിരെയും നടപടിയുണ്ടാകണമെന്നാവശ്യപ്പെട്ട് ആറ്റുപുറംമ്പോക്ക് ഭൂമി അനധികൃതമായി കയ്യേറിയ കേസില് അന്തിമവിധി ഉണ്ടാകുന്നതുവരെ തല്സ്ഥിതി തുടരാന് നിര്ദ്ദേശിച്ച കോടതിവിധിയെ അട്ടിമറിച്ചാണ് വേലിയും ബോര്ഡുകളും നശിപ്പിച്ചതെന്നും പഞ്ചായത്തംഗങ്ങളും പറഞ്ഞു. ശബരിമല തീര്ത്ഥാടനവുമായി ബന്ധപ്പെട്ട വികസന പ്രഴര്ത്തനങ്ങളുടെ ഭാഗമായി ഒരുങ്കല്കടവിലെ പുറംമ്പോക്ക് ഭൂമിയില് അയ്യപ്പസേവാ കേന്ദ്രമോ, കെഎസ്ആര്ടിസി ഡിപ്പോക്ക് അധികസ്ഥലം നല്കുക തുടങ്ങിയ കാര്യങ്ങളും പഞ്ചായത്തിണ്റ്റെ പരിഗണനയിലാണ്. പഞ്ചായത്തിലെ മുഴുവന് പുറംമ്പോക്ക് ഭൂമികളും തിരിച്ചുപിടിക്കുന്ന കാര്യത്തില് പഞ്ചായത്തധികൃതര് ഗൗരവമായി നടപടി സ്വീകരിക്കണമെന്നും നാട്ടുകാര് ആവശ്യപ്പെട്ടു.
പുറമ്പോക്ക് ഭൂമിയിലെ വേലി പൊളിച്ചതിനെതിരെ ഹൈക്കോടതിയില് പഞ്ചായത്ത് പരാതി നല്കി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.