ന്യൂദല്ഹി: രാംലീല സംഭവത്തിലെ യഥാര്ത്ഥ കുറ്റക്കാര് കേന്ദ്ര സര്ക്കാരും കോണ്ഗ്രസുമെന്നു ബി.ജെ.പി. സമാധാനപരമായി സംഘടിച്ച ബാബ രാംദേവിനും അപുയായികള്ക്കുമെതിരേ പോലീസ് നടപടിക്ക് അനുമതി നല്കിയ ഭരണ നേതൃത്വമാണ് ഉത്തരവാദികളെന്ന് ബി.ജെ.പി വക്താവ് രവിശങ്കര് പ്രസാദ് പറഞ്ഞു.
കേസിലെ സുപ്രീംകോടതി വിധിയോടു പ്രതികരിക്കുകയായിരുന്നു അദ്ദേഹം. സുപ്രീംകോടതി വിധിയെ സ്വാഗതം ചെയ്യുന്നു. എന്നാല് പോലീസ് മര്ദനത്തില് മരിച്ച രാജ് ബാലയുടെ ആശ്രിതര്ക്കു നല്കുന്ന നഷ്ടപരിഹാരത്തിന്റെ ഒരു ഭാഗം രാംദേവിന്റെ ട്രസ്റ്റ് നല്കണമെന്ന വിധിയിലെ പരാമര്ശത്തോടു വിയോജിക്കുന്നു.
പോലീസിനെതിരെയാണു കോടതി വിധി, എന്നാല് രാഷ്ട്രീയ ഉത്തരവാദിത്വം ആര് ഏല്ക്കുമെന്ന് അദ്ദേഹം ചോദിച്ചു. പ്രധാനമന്ത്രി മന്മോഹന് സിങ്, കോണ്ഗ്രസ് അധ്യക്ഷ സോണിയ ഗാന്ധി, കേന്ദ്രമന്ത്രിമാര് പി. ചിദംബരം, കപില് സിബല് എന്നിവരാണു യഥാര്ഥ കുറ്റക്കാര്. രാംദേവ്, അണ്ണ ഹസാരെ, ശ്രീ ശ്രീ രവിശങ്കര് എന്നിവര്ക്കെതിരേ കോണ്ഗ്രസ് പ്രചാരണം നടത്തിയെന്നും അദ്ദേഹം ആരോപിച്ചു.
