ഗുവാഹത്തി: ആസാമിലെ നാല്ബാരിയില് തീവണ്ടി പാളം തെറ്റി 150 പേര്ക്ക് പരിക്കേറ്റു. പാളത്തിലുണ്ടായ സ്ഫോടനത്തെ തുടര്ന്നാണ് തീവണ്ടി പാളം തെറ്റിയതെന്ന് റെയില്വേ അറിയിച്ചു. ഗുവാഹത്തിയില് നിന്നും 40 കിലോമീറ്റര് കിലോമീറ്റര് അകലെയാണ് അപകടസ്ഥലം.
ഗുവാഹത്തി-പുരി എക്സ്പ്രസാണ് വൈകീട്ട് 8.30ന് ഗോഗ്രപ്പാറയ്ക്കു സമീപം പാളംതെറ്റിയത്. പോലീസും സുരക്ഷാ ഉദ്യോഗസ്ഥരും സംഭവസ്ഥലത്തെത്തിയിട്ടുണ്ട്. അപകടത്തിനു തൊട്ടുമുമ്പ് സംഭവ സ്ഥലത്തു നിന്ന് വലിയ ശബ്ദം കേട്ടതായി പ്രദേശവാസികള് പറഞ്ഞു.
ഉത്തര്പ്രദേശിലെ മാല്വയിലും തീവണ്ടി പാളം തെറ്റി 35 പേര് മരിച്ചിരുന്നു.
