കൊച്ചി : പൊതുപണിമുടക്ക് വിജയിപ്പിച്ചതിന് അഭിനന്ദനങ്ങൾ അറിയിച്ച് സിപിഎം നേതാവ് എം എ ബേബി. വിവിധ സ്ഥലങ്ങളിൽ പോലീസ് ലാത്തി ചാർജ് നടത്തിയതായും പൊതുപണിമുടക്കിൽ പങ്കെടുക്കുന്നതിൽ നിന്ന് തൊഴിലാളികളെ ഭീഷണിപ്പെടുത്തി തടയാൻ ശ്രമിച്ചതായും എം എ ബേബി ഫേസ്ബുക്ക് പോസ്റ്റിൽ പറയുന്നു.
അത്തരം ആക്രമണങ്ങളെല്ലാം ധീരമായി നേരിട്ടുകൊണ്ട് പണിമുടക്ക് വിജയകരമായി നടന്നു. കർഷകർ, കർഷകത്തൊഴിലാളികൾ, വിവിധ ജനവിഭാഗങ്ങൾ എന്നിവരും തൊഴിലാളികളോടൊപ്പം ഐക്യദാർഢ്യം പ്രകടിപ്പിക്കുകയും പ്രതിഷേധ പ്രകടനങ്ങൾ നടത്തുകയും ചെയ്തുവെന്നാണ് ബേബിയുടെ അവകാശവാദം.
ഫേസ്ബുക്ക് പോസ്റ്റിന്റെ പൂർണ്ണരൂപം….
വിജയകരമായ പൊതുപണിമുടക്കിന് തൊഴിലാളിവർഗത്തിന് അഭിനന്ദനങ്ങൾ
ഇന്നു നടന്ന പൊതുപണിമുടക്കിന്റെ വിജയത്തിന് കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) തൊഴിലാളിവർഗത്തെ അഭിനന്ദിക്കുന്നു.
വിവിധ സ്ഥലങ്ങളിൽ പോലീസ് ലാത്തി ചാർജ് നടത്തിയതായും പൊതുപണിമുടക്കിൽ പങ്കെടുക്കുന്നതിൽ നിന്ന് തൊഴിലാളികളെ ഭീഷണിപ്പെടുത്താൻ ശ്രമിച്ചതായും റിപ്പോർട്ടുകൾ വ്യക്തമാക്കുന്നു. അത്തരം ആക്രമണങ്ങളെല്ലാം ധീരമായി നേരിട്ടുകൊണ്ട് പണിമുടക്ക് വിജയകരമായി നടന്നു. കർഷകർ, കർഷകത്തൊഴിലാളികൾ, വിവിധ ജനവിഭാഗങ്ങൾ എന്നിവരും തൊഴിലാളികളോടൊപ്പം ഐക്യദാർഢ്യം പ്രകടിപ്പിക്കുകയും പ്രതിഷേധ പ്രകടനങ്ങൾ നടത്തുകയും ചെയ്തു.
തൊഴിലാളിവർഗത്തോടൊപ്പം നിൽക്കുകയും ഈ പൊതുപണിമുടക്ക് വൻ വിജയമാക്കുകയും ചെയ്ത എല്ലാവരെയും സിപിഐ എം അഭിനന്ദിക്കുന്നു. ബിജെപി നയിക്കുന്ന കേന്ദ്രസർക്കാർ തൊഴിൽ നിയമങ്ങൾക്കും അതിന്റെ തൊഴിലാളി വിരുദ്ധ നയങ്ങൾക്കുമെതിരായ ശബ്ദങ്ങൾ കേൾക്കണം. തൊഴിൽ നിയമങ്ങളിലെ ഭേദഗതികൾ ഉടൻ പിൻവലിക്കുകയും തൊഴിലാളിവർഗത്തിന്റെ അവകാശങ്ങൾ സംരക്ഷിക്കുകയും വേണം.
പ്രതികരിക്കാൻ ഇവിടെ എഴുതുക: