നിലമ്പൂര്‍: എന്‍ഡിഎ നിലമ്പൂര്‍ ഉപതെരഞ്ഞെടുപ്പില്‍ അത്ഭുതങ്ങള്‍ സൃഷ്ടിക്കുമെന്നും വളരെ ഗൗരവത്തോടെയാണ് തെരഞ്ഞെടുപ്പിനെ നേരിടുന്നതെന്നും എന്‍ഡിഎ സ്ഥാനാര്‍ത്ഥി അഡ്വ. മോഹന്‍ ജോര്‍ജ്. നാമനിര്‍ദേശ പത്രിക സമര്‍പ്പണത്തിന് ശേഷം പ്രതികരിക്കുകയായിരുന്നു അദ്ദേഹം.
എല്ലാ വിഭാഗം ജനങ്ങളുമായി വ്യക്തിപരമായി ബന്ധമുണ്ട്. അതുകൊണ്ടു തന്നെ ഇക്കുറി എന്‍ഡിഎ ഉയര്‍ത്തിക്കാട്ടുന്ന വികസിത നിലമ്പൂരിന് വേണ്ടി ജനങ്ങള്‍ വോട്ട് ചെയ്യും. നിലമ്പൂരിലെ മലയോര, ആദിവാസി ജന വിഭാഗങ്ങളെ പതിറ്റാണ്ടുകളായി വഞ്ചിച്ച ഇടതു വലതു മുന്നണികളെ തെരഞ്ഞെടുപ്പില്‍ തുറന്നുകാട്ടുമെന്നും അദ്ദേഹം പറഞ്ഞു.
തന്നെ തള്ളി പറഞ്ഞവര്‍ കേരളാ കോണ്‍ഗ്രസില്‍ എത്തുന്നതിന് മുമ്പ് സംഘടനയില്‍ ജനറല്‍ സെക്രട്ടറി പദം അലങ്കരിച്ചിരുന്ന ആളാണ്. താന്‍ കേരളാ കോണ്‍ഗ്രസിന്റെ സംസ്ഥാന ചുമതലയില്‍ വന്ന ശേഷം വന്നവരാണ് റോഷി അഗസ്റ്റിനും മോന്‍സ് ജോസഫും. വരും ദിവസങ്ങളില്‍ കേരളാ കോണ്‍ഗ്രസില്‍ നിന്നും ധാരാളം പേര്‍ എന്‍ഡിഎയിലേക്ക് വരുമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: