ന്യൂദൽഹി : ഇസ്രായേലിന്റെ രഹസ്യമായി വിക്ഷേപിക്കാവുന്ന ക്രൂയിസ് മിസൈൽ ‘ഐസ് ബ്രേക്കർ’ സ്വന്തമാക്കാൻ ഇന്ത്യ . ഐസ് ബ്രേക്കറിന്റെ വാങ്ങലും അതിന്റെ ഉപയോഗവുമായി ബന്ധപ്പെട്ടും ഇന്ത്യൻ വ്യോമസേന ചർച്ചകൾ നടത്തുന്നുണ്ട് . . ഐസ് ബ്രേക്കർ വ്യോമസേനയുടെ തൊപ്പിയിലെ മറ്റൊരു തൂവലായിരിക്കുമെന്നാണ് സൂചന. ദീർഘദൂര കൃത്യതയുള്ള ആക്രമണങ്ങൾക്ക് ഏറ്റവും ഫലപ്രദമാണ് ഐസ് ബ്രേക്കർ എന്നതിനാൽ ഇന്ത്യയുടെ പുതിയ തീരുമാനം ചൈനയെയും, പാകിസ്ഥാനെയും ആശങ്കയിലാക്കും.
കഠിനമായ സാഹചര്യങ്ങളിൽ പോലും അവിശ്വസനീയമായ കൃത്യതയോടെ അതിന്റെ ലക്ഷ്യം കണ്ടെത്തി ഭസ്മീകരിക്കുന്ന സൂപ്പർ-സ്മാർട്ട്, ക്രൂയിസ് മിസൈലാണ് ‘ഐസ് ബ്രേക്കർ’ . കരയിലായാലും കടലിലായാലും, , ജിപിഎസ് സിഗ്നലുകൾ തടസ്സപ്പെട്ടാലും സ്വന്തമായി പ്രവർത്തിക്കാൻ കഴിയുന്ന കൃത്യതയുള്ള ആയുധമാണിത്.
നൂതനമായ ഒരു ഇലക്ട്രോ-ഒപ്റ്റിക്കൽ സീക്കറാണ് ഇതിനെ നിയന്ത്രിക്കുന്നത്. ശത്രുക്കൾക്ക് മാത്രം നേരെ ആക്രമണം നടത്തുന്നുവെന്ന് ഉറപ്പാക്കുകയും കൊളാറ്ററൽ നാശനഷ്ടങ്ങൾ പരമാവധി കുറയ്‌ക്കുകയും ചെയ്യുന്ന കൃത്യമായ ആയുധമാണിത്.250 പൗണ്ട് ഭാരമുള്ള ഒരു വാർഹെഡ് വഹിക്കാൻ കഴിയുന്ന, ഉയർന്ന സബ്‌സോണിക് വേഗതയിൽ 300 കിലോമീറ്റർ അകലെയുള്ള ലക്ഷ്യങ്ങളെ വരെ ആക്രമിക്കാൻ ഇതിന് കഴിയും.
ഏറ്റവും സങ്കീർണ്ണമായ വ്യോമ പ്രതിരോധ സംവിധാനങ്ങളെപ്പോലും ആരും കാണാതെ തകർക്കാൻ ഇതിനു കഴിയും. 400 കിലോഗ്രാമിൽ താഴെയാണ് ഇതിന്റെ ഭാരം. ജെറ്റ് ഫൈറ്ററുകൾ, ലൈറ്റ് അറ്റാക്ക് എയർക്രാഫ്റ്റുകൾ, ഹെലികോപ്റ്ററുകൾ, ചെറിയ സമുദ്ര കപ്പലുകൾ, കര വാഹനങ്ങൾ എന്നിവയിൽ നിന്ന് പോലും ഇത് വിക്ഷേപിക്കാൻ കഴിയും.
പ്രതികരിക്കാൻ ഇവിടെ എഴുതുക: