കൊച്ചി: സംസ്ഥാനത്തെ 18 സഹകരണ സ്ഥാപനങ്ങളില്‍ വന്‍തോതില്‍ കള്ളപ്പണം വെളുപ്പിക്കല്‍ നടന്നിട്ടുണ്ടെന്ന് ഇഡി ഹൈക്കോടതിയെ അറിയിച്ചു.കള്ളപ്പണം വെളുപ്പിക്കല്‍തടയല്‍ നിയമപ്രകാരമാണ് ഈ സഹകരണസ്ഥാപനങ്ങള്‍ക്കെതിരെ കേസെടുത്തത്. ഇവിടങ്ങളില്‍ വായ്പ വിതരണത്തില്‍ വലിയ ക്രമക്കേടു കണ്ടെത്തിയിട്ടുണ്ട്. ഈടു വസ്തുവിന് മൂല്യം കൂട്ടിക്കാണിച്ചും ഒരു ഈടില്‍ പല വായ്പ നല്‍കിയും അര്‍ഹതയില്ലാത്തവര്‍ക്ക് വായ്പ നല്‍കിയും മറ്റുമാണ് തിരിമറി നടത്തിയത്. ഈ സ്ഥാപനങ്ങളുടെ പട്ടികയും ഇഡി പുറത്തുവിട്ടു. കരുവന്നൂര്‍,അയ്യന്തോള്‍, തുമ്പൂര്‍, നടക്കല്‍ സഹകരണ ബാങ്കുകള്‍, മാവേലിക്കര സഹകരണ സൊസൈറ്റി ബാങ്ക്, മൂന്നിലവ്, മൈലപ്ര സഹകരണ ബാങ്കുകള്‍, ചാത്തന്നൂര്‍ റീജണല്‍ സഹകരണ ബാങ്ക് , ബി എസ് എന്‍ എല്‍ എന്‍ജിനീയറിങ് സഹകരണ സൊസൈറ്റി,കോന്നി റീജണല്‍ സഹകരണ ബാങ്ക്,മറിയമുട്ടം സര്‍വീസ് സഹകരണം സൊസൈറ്റി ,ഇടമുളക്കല്‍ , കൊല്ലൂര്‍ വിള , ആനക്കയം മുഗു,തെന്നല പുല്‍പ്പള്ളി സര്‍വീസ് സഹകരണ ബാങ്കുകള്‍ എന്നിവക്കെതിരെയാണ് എന്‍ഫോഴ്‌സ്‌മെന്‌റ് ഡയറക്ടറേറ്റ് കള്ളപ്പണം വെളിപ്പിക്കല്‍ തടയല്‍ നിയമപ്രകാരം കേസെടുത്തിട്ടുള്ളത്.
പ്രതികരിക്കാൻ ഇവിടെ എഴുതുക: