കൊച്ചി: മുനമ്പത്തുള്ളവരുടെ തൊഴില്‍ സംരക്ഷിക്കണമെന്ന് ആവശ്യപ്പെട്ട് ബ്എംഎസ് മാര്‍ച്ച് നടത്തി. മുനമ്പം നിവാസികള്‍ക്ക് ഐക്യദാര്‍ഢ്യവുമായി നടത്തിയ മാര്‍ച്ച് കേന്ദ്ര തൊഴില്‍ മന്ത്രി ശോഭാ കരന്തലജെ ഉദ്ഘാടാനം ചെയ്തു.
വഖഫ് ഭീകരതയില്‍ ഭൂമി നഷ്ടപ്പെട്ടാല്‍ മുനമ്പത്ത് മത്സ്യബന്ധനം നടത്തി ഉപജീവന മാര്‍ഗം നടത്തുന്ന നൂറുകണക്കിന് മത്സ്യത്തൊഴിലാളികളുടെ തൊഴില്‍ നഷ്ടമാകും. മുനമ്പത്ത് നിന്ന് മറ്റെവിടെയെങ്കിലും തൊഴില്‍ തേടി പോകേണ്ടതായും വരും. മാര്‍ച്ചില്‍ മന്ത്രിയും അണിചേര്‍ന്നു. വേളാങ്കണ്ണിമാതാ പള്ളിക്ക് സമീപം മാര്‍ച്ച് സമാപിച്ചു. ബിഎംഎസ് ദേശീയസമിതി അംഗങ്ങളായ സി. ഉണ്ണികൃഷ്ണന്‍ ഉണ്ണിത്താന്‍, കെ.കെ. വിജയകുമാര്‍, സംസ്ഥാന ജനറല്‍ സെക്രട്ടറി ജി.കെ. അജിത്ത്, സംസ്ഥാന സെക്രട്ടറിമാരായ സിബി വര്‍ഗീസ്, അഡ്വ. ആശാമോള്‍, ചന്ദ്രലത, ജില്ലാ സെക്രട്ടറി ധനീഷ് നീറിക്കോട്, ഖജാന്‍ജി കെ.എസ്. ശ്യാംജിത്ത് എന്നിവര്‍ മാര്‍ച്ചിന് നേതൃത്വം നല്‍കി.
പ്രതികരിക്കാൻ ഇവിടെ എഴുതുക: