തിരുവനന്തപുരം: എംഎല്‍എമാരെ കൂറുമാറ്റാന്‍ നൂറുകോടി രൂപ വാഗ്ദാനം ചെയ്‌തെന്ന ആരോപണ വിധേയനായ എന്‍സിപി നേതാവ് തോമസ് കെ.തോമസ് എംഎല്‍എയുടെ മൊഴി രേഖപ്പെടുത്തി. തൈക്കാട് ഗസ്റ്റ് ഹൗസില്‍ വച്ചായിരുന്നു പ്രത്യേക അന്വേഷണസംഘം മൊഴിയെടുത്തത്.
കോവൂര്‍ കുഞ്ഞുമോന്‍, ആന്റണി രാജു എന്നീ ഇടതുപക്ഷ എംഎല്‍എമാരെ എന്‍സിപി അജിത്പവാര്‍ പക്ഷത്തേക്ക് കൂറുമാറ്റാന്‍ കോഴ വാഗ്ദാനം ചെയതു എന്നായിരുന്നു ആരോപണം.എന്നാല്‍ തനിക്ക് മന്ത്രി സ്ഥാനം നല്‍കാതിരിക്കാന്‍ ചിലര്‍ നടത്തിയ ഗൂഡ നീക്കമാണ് ആരോപണത്തിന് പിന്നിലെന്ന് തോമസ് കെ.തോമസ് പറഞ്ഞിരുന്നു.
എംഎല്‍എമാരെ കൂറുമാറ്റാന്‍ ശ്രമം ഉണ്ടായെന്ന് മുഖ്യമന്ത്രി പിണറായി വിജയന്‍ സിപിഎം സംസ്ഥാന സെക്രട്ടേറിയറ്റില്‍ അറിയിച്ചിരുന്നു. ഇതു ശരിയാണെന്ന് ആന്റണി രാജു പറഞ്ഞപ്പോള്‍ അല്ലെന്നാണ് കോവൂര്‍ കുഞ്ഞുമോന്‍ വെളിപ്പെടുത്തിയത്.
പ്രതികരിക്കാൻ ഇവിടെ എഴുതുക: