തിരുവനന്തപുരം: പാലക്കാട്, തൃശ്ശൂര്‍ ജില്ലകളിലുണ്ടായ ബൈക്ക് അപകടങ്ങളിലാണ് രണ്ട് പേര്‍ക്ക് ദാരുണാന്ത്യം. പാലക്കാട് കുളപ്പുള്ളി പാതയില്‍ കൂനത്തറയില്‍ ലോറിയും ബൈക്കും കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രികനായ യുവാവ് മരിച്ചു. രാവിലെ ഏഴരയോടെ കൂനത്തറ ആശാദീപം വളവിലാണ് അപകടം സംഭവിച്ചത്. തൃക്കടീരി കീഴൂര്‍ സ്വദേശിയായ അഫ്‌സലാണ് മരിച്ചത് (30). മൃതദേഹം വാണിയംകുളത്തെ സ്വകാര്യം ആശുപത്രിയില്‍ സൂക്ഷിച്ചിരിക്കുകയാണ്.
തൃശൂര്‍ കാഞ്ഞാണിയില്‍ ബൈക്കും സ്വകാര്യബസ്സും കൂട്ടിയിടിച്ച് ബൈക്ക് യാത്രക്കാരന്‍ മരിച്ചു. അന്തിക്കാട് സ്വദേശി രവി ആണ് മരിച്ചത്. ഇന്ന് രാവിലെയായിരുന്നു സംഭവം. തൃശൂര്‍ തൃപ്രയാര്‍ റൂട്ടിലോടുന്ന ബസ്സുമായാണ് ബൈക്ക് കൂട്ടിയിടിച്ചത്. പരിക്കേറ്റ രവിയെ കാഞ്ഞാണിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
പ്രതികരിക്കാൻ ഇവിടെ എഴുതുക: