കൊൽക്കത്ത: പശ്ചിമബംഗാളിലെ ആർജി കാർ മെഡിക്കൽ കോളേജ് ആശുപത്രിയിലുണ്ടായ അക്രമത്തിൽ മുഖ്യമന്ത്രി മമത ബാനർജി ആരോഗ്യ-ആഭ്യന്തര മന്ത്രി സ്ഥാനം രാജിവയ്ക്കണമെന്ന് സിപിഐ(എം) നേതൃത്വത്തിലുള്ള ഇടതുമുന്നണി വ്യാഴാഴ്ച ആവശ്യപ്പെട്ടു.
മമതയ്‌ക്ക് പുറമെ കൊൽക്കത്ത പോലീസ് കമ്മീഷണർ വിനീത് ഗോയൽ രാജിവെക്കണമെന്നും ഇടതുമുന്നണി ചെയർമാൻ ബിമൻ ബോസ് പ്രസ്താവനയിൽ ആവശ്യപ്പെട്ടു. മുഖ്യമന്ത്രി ബാനർജി ആരോഗ്യ, ആഭ്യന്തര വകുപ്പുകളാണ് കൈകാര്യം ചെയ്യുന്നത്.
പിജി വനിതാ ഡോക്ടർ മൃഗീയമായി കൂട്ടബലാത്സംഗത്തിനിരയായി കൊല്ലപ്പെട്ടതിൽ പ്രതിഷേധിച്ച് ഇന്ന് പുലർച്ചെയാണ് ഒരു വിഭാഗം ജനക്കൂട്ടം മെഡിക്കൽ കോളേജ് ആശുപത്രി കാമ്പസിൽ പ്രവേശിച്ച് അത്യാഹിത വിഭാഗവും ഒപിഡിയുടെ ഭാഗങ്ങളും ഡെയ്‌സും അടിച്ചു തകർത്തത്.
നശീകരണ പ്രവർത്തനങ്ങളിൽ പ്രതിഷേധിച്ച് സംഘം “ദിക്കാർ ദിവസ്” ആചരിക്കുമെന്ന് പറഞ്ഞ അദ്ദേഹം ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തിൽ സിബിഐ അന്വേഷണം എത്രയും വേഗം അവസാനിപ്പിക്കണമെന്നും കുറ്റവാളികൾക്ക് മാതൃകാപരമായ ശിക്ഷ ഉറപ്പാക്കണമെന്നും അദ്ദേഹം ആവശ്യപ്പെട്ടു.
സംഭവങ്ങളുടെ പരമ്പരയിൽ കൊൽക്കത്ത ഉൾപ്പെടെ സംസ്ഥാനത്തിന്റെ വിവിധ ഭാഗങ്ങളിൽ മമതാ സർക്കാരിനെതിരെ ഓഗസ്റ്റ് 17 ന് പ്രതിഷേധ മാർച്ചുകൾ നടത്തുമെന്ന് ബോസ് പറഞ്ഞു.
പ്രതികരിക്കാൻ ഇവിടെ എഴുതുക: