പത്തനംതിട്ട : തിരുവല്ലയില്‍ പീഡനക്കേസ് പ്രതി പ്രാദേശിക നേതാവ് സി സി. സജിമോനെ തിരിച്ചെടുത്തതിനെ പിന്തുണച്ച് അതിജീവിത. ആരും തന്നെ പീഡിപ്പിച്ചിട്ടില്ലെന്നും തന്റെ കുഞ്ഞിന്റെ പിതാവ് സി സി സജിമോന്‍ അല്ലെന്നും യുവതി പറഞ്ഞു.
രാഷ്‌ട്രീയ ലാഭത്തിനായാണ് തന്നെ ഈ കേസില്‍ വലിച്ചിഴച്ചെന്നും യുവതി പറഞ്ഞു.ജില്ലാ സെക്രട്ടറിയേറ്റ് അംഗം ആര്‍ സനല്‍കുമാറും തന്റെ സഹോദരനും ചേര്‍ന്ന് സജിമോനെ കേസില്‍ കുടുക്കിയയെന്നാണ് സംശയമെന്നും യുവതി വ്യക്തമാക്കി
2017 ല്‍ വിവാഹിതയെ പീഡിപ്പിച്ച് ഗര്‍ഭിണിയാക്കി എന്ന കേസിലെ പ്രതിയാണ് സിപിഎം തിരുവല്ല നോര്‍ത്ത് ലോക്കല്‍ കമ്മിറ്റി അംഗം സി സി സജിമോന്‍. എന്നാല്‍ പീഡിപ്പിക്കപ്പെട്ടെന്ന് പറയുന്ന സ്ത്രീ തന്നെ സജിമോനെ പിന്തുണച്ച് രംഗത്ത് വന്നതോടെ കാര്യങ്ങള്‍ കീഴ്‌മേല്‍ മറിഞ്ഞിരിക്കുകയാണ്.
സജിമോനെതിരെ ഒരു പരാതിയും താന്‍ ആര്‍ക്കും നല്‍കിയിട്ടില്ല .തന്റെ സഹോദരന്‍ എന്ത് പരാതി നല്‍കിയെന്ന് അറിയില്ല .സിപിഎം ജില്ലാ സെക്രട്ടറിയേറ്റ് അംഗം ആര്‍ സനല്‍കുമാറും സഹോദരനുമായി അടുത്ത ബന്ധമുണ്ടെന്ന് യുവതി വെളിപ്പെടുത്തി.
പാര്‍ട്ടി സംസ്ഥാന സെക്രട്ടറിയെ നേരില്‍ കണ്ട് വിവരം ധരിപ്പിച്ചിരുന്നുവെന്നു. ഇനിയും തന്നെ ഈ കേസിലേക്ക് വലിച്ചിച്ചാല്‍ നിയമനടപടി സ്വീകരിക്കുമെന്നും യുവതി പറഞ്ഞു.
സജിമോനെ പുറത്താക്കിയെങ്കിലും ഉന്നത നേതാക്കള്‍ ഇടപെട്ട് കണ്ട്രോള്‍ കമ്മീഷന്‍ വഴി പാര്‍ട്ടിയില്‍ തിരിച്ചെടുക്കുകയായിരുന്നു.
പ്രതികരിക്കാൻ ഇവിടെ എഴുതുക: