ന്യൂദല്‍ഹി: ലോകസഭയില്‍ 240 സീറ്റ് നേടി തുടര്‍ച്ചയായി മൂന്നാം തവണയും ബിജെപി വലിയ ഒറ്റകക്ഷി . കേവല ഭൂരിപക്ഷത്തിന് 32 സീറ്റിന്റെ കുറവ്. ആകെ ആറുലക്ഷം (609,639) വോട്ടുകള്‍ക്കാണ് 32 സീറ്റുകള്‍ ബിജെപിക്ക് നഷ്ടപ്പെട്ടത്. ഈ സീറ്റുകളില്‍ ബിജെപി സ്ഥാനാര്‍ത്ഥികള്‍ വളരെ നേരിയ വ്യത്യാസത്തില്‍ വിജയികള്‍ക്ക് രണ്ടാം സ്ഥാനത്തെത്തി. ഉദാഹരണത്തിന്, ചണ്ഡീഗഢ് ലോക്‌സഭാ മണ്ഡലത്തില്‍ 2509 വോട്ടുകള്‍ക്കാണ് ബിജെപി പരാജയപ്പെട്ടത്. ഹാമിര്‍പൂര്‍ (ഉത്തര്‍പ്രദേശ്; 2629 മാര്‍ജിന്‍), സേലംപൂര്‍ (ഉത്തര്‍പ്രദേശ്; 3573), ധൂലെ (മഹാരാഷ്‌ട്ര; 3831), ധൗരഹ്‌റ (ഉത്തര്‍പ്രദേശ്; 4449), ദാമന്‍ ആന്‍ഡ് ദിയു (ദാമന്‍ ആന്‍ഡ് ദിയു; 6225) ആറാംബാഗ് (പശ്ചിമ ബംഗാള്‍; 6399), ബീഡ് (മഹാരാഷ്‌ട്ര; 6553) എന്നിവിടങ്ങളില്‍ പാര്‍ട്ടി സമാനമായ തോല്‍വികള്‍ നേരിട്ടു.
ഇത്തവണ തൃശ്ശൂര്‍ ഉള്‍പ്പെടെ പുതിയ 32 മണ്ഡലങ്ങളില്‍ താമര വിരിഞ്ഞു. 11 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി 32 പുതിയ മണ്ഡലങ്ങളില്‍ വിജയിച്ചു, ഇത് 240 സീറ്റുകളിലേക്ക് ഉയര്‍ത്താന്‍ സഹായിച്ചു. ഈ 32 പുതിയ സീറ്റുകളില്‍, പരമാവധി 12 എണ്ണം ഒഡീഷയില്‍ നിന്നും, 4 തെലങ്കാനയില്‍ നിന്ന് മഹാരാഷ്‌ട്ര, ആന്ധ്രാപ്രദേശ് എന്നിവിടങ്ങളില്‍ നിന്ന് മൂന്ന് വീതവും, പശ്ചിമ ബംഗാളില്‍ നിന്ന് രണ്ട്, ബിഹാര്‍, ഛത്തീസ്ഗഡ്, യുപി, മധ്യപ്രദേശ്, കര്‍ണാടക, കേരളം എന്നിവിടങ്ങളില്‍ നിന്നുള്ള മറ്റുള്ളവയുമാണ്.
കഴിഞ്ഞ തവണ കിട്ടിയ 303 സീറ്റുകളില്‍ 208 സീറ്റുകള്‍ നിലനിര്‍ത്തുകയും ചെയ്തപ്പോഴാണ് 240 ല്‍ എത്തിയത്. 168 സിറ്റിംഗ് എംപിമാരില്‍ 111 പേര്‍ (66%) വീണ്ടും തിരഞ്ഞെടുക്കപ്പെട്ടു. സിറ്റിംഗ് എം പി മാരെ മാറ്റി പരീക്ഷിച്ച 92 സീറ്റുകള്‍ 95 (72%) മണ്ഡലങ്ങളും നിലനിര്‍ത്തി. പാര്‍ട്ടിക്ക് നഷ്ടമായ 92 സീറ്റുകളില്‍ 29 എണ്ണം പട്ടികജാതിപട്ടികവര്‍ഗക്കാര്‍ക്കായി സംവരണം ചെയ്ത മണ്ഡലങ്ങളാണ്. ഈ 92 സീറ്റുകളില്‍ 29 എണ്ണവും നേടിയ യുപിയിലാണ് ഏറ്റവും വലിയ നഷ്ടം.
ബിജെപിക്ക് കനത്ത തിരിച്ചടി നേരിട്ട മറ്റ് സംസ്ഥാനങ്ങള്‍ മഹാരാഷ്‌ട്ര, രാജസ്ഥാന്‍ എന്നിവിടങ്ങളില്‍ പാര്‍ട്ടിക്ക് യഥാക്രമം 16, 10 സീറ്റുകള്‍ നഷ്ടപ്പെട്ടു. കര്‍ണാടകയിലും പശ്ചിമ ബംഗാളിലും എട്ട് വീതം മണ്ഡലങ്ങളിലും ബിജെപി പരാജയം നേരിട്ടു. ഹരിയാനയില്‍ 5 സീറ്റുകള്‍ നഷ്ടപ്പെട്ടതിനാല്‍ അതിന്റെ എണ്ണം പകുതിയായി കുറഞ്ഞു. ബിഹാറിലും 5, ജാര്‍ഖണ്ഡില്‍ 3, പഞ്ചാബില്‍ 2, അസം, ചണ്ഡീഗഡ്, ദാമന്‍ & ദിയു, ഗുജറാത്ത്, ലഡാക്ക്, മണിപ്പൂര്‍ എന്നിവിടങ്ങളില്‍ ഓരോ സീറ്റും നഷ്ടപ്പെട്ടു.
92 സീറ്റുകള്‍ നഷ്ടപ്പെട്ടെങ്കിലും 2019 ല്‍ നിന്ന് പാര്‍ട്ടിയുടെ വോട്ട് വിഹിതം കുറഞ്ഞത് ഒരു ശതമാനത്തില്‍ താഴെ മാത്രം. 2019ല്‍ ബിജെപിയുടെ വോട്ട് വിഹിതം 37.36 ശതമാനമായിരുന്നു. ഇത് 2024 ല്‍ 36.56 ശതമാനവും
പ്രതികരിക്കാൻ ഇവിടെ എഴുതുക: