സുക്മ (ഛത്തീസ്ഗഡ്): ഛത്തീസ്ഗഡിലെ സുക്മ ജില്ലയില്‍ വെള്ളിയാഴ്ച സുരക്ഷാ സേനയുമായുണ്ടായ ഏറ്റുമുട്ടലില്‍ ഒരു നക്‌സല്‍ കൊല്ലപ്പെട്ടതായി അധികൃതര്‍ അറിയിച്ചു. കോണ്ട പോലീസ് സ്‌റ്റേഷന്‍ പരിധിയില്‍ വരുന്ന ബെല്‍പോച്ച ഗ്രാമത്തിലാണ് ഏറ്റുമുട്ടല്‍ നടന്നത്.
ഏറ്റുമുട്ടലിനിടെ ഒരു നക്‌സല്‍ ഭീകരന്‍ കൊല്ലപ്പെട്ടതായും സ്ഥലത്ത് നിന്ന് ആയുധം കണ്ടെടുത്തതായും പോലീസ് സൂപ്രണ്ട് കിരണ്‍ ചവാന്‍ സംഭവം സ്ഥിരീകരിച്ചു. നിലവില്‍ പ്രദേശത്ത് സമഗ്രമായ തിരച്ചില്‍ നടക്കുന്നുണ്ടെന്നും ചവാന്‍ കൂട്ടിച്ചേര്‍ത്തു.
നേരത്തെ മെയ് 18ന് ഛത്തീസ്ഗഡിലെ സുക്മ ജില്ലയില്‍ സുരക്ഷാ സേനയുമായുള്ള ഏറ്റുമുട്ടലില്‍ ഒരു നക്‌സലൈറ്റ് കൊല്ലപ്പെട്ടതായി പോലീസ് അറിയിച്ചു. തോല്‍നായിക്കും ടെട്രായിക്കും ഇടയിലുള്ള പ്രദേശത്താണ് സംഭവം. മെയ് 10ന് ഛത്തീസ്ഗഡിലെ പിഡിയ ഗ്രാമത്തിന് സമീപമുള്ള കാട്ടിലും നക്‌സലുകളും സുരക്ഷാ സേനയും തമ്മില്‍ വെടിവയ്‌പ്പുണ്ടായി.
പ്രതികരിക്കാൻ ഇവിടെ എഴുതുക: