കോട്ടയം : സന്തോഷ് ട്രോഫി നേടിയ സര്‍വീസസ് ഫുട്‌ബോള്‍ ടീം അംഗം പാറമ്പുഴ കുറ്റിച്ചിറ കോട്ടയം ചാക്കോ (കുര്യന്‍ ചാക്കോ, 89) മുംബൈയില്‍ അന്തരിച്ചു. എയര്‍ഫോഴ്‌സ് മുന്‍ ഉദ്യോഗസ്ഥനാണ്. സംസ്‌കാരം ശനിയാഴ്ച ഉച്ചയ്‌ക്ക് രണ്ടിന് നട്ടശ്ശേരി സെന്‌റ് തോമസ് ഓര്‍ത്തഡോക്‌സ് പള്ളിയില്‍. 1960 ല്‍ സര്‍വീസസ് ടീം ആദ്യമായി സന്തോഷ് ട്രോഫി നേടുമ്പോള്‍ ടീമില്‍ അംഗമായിരുന്നു കോട്ടയം ചാക്കോ. സര്‍വീസ് ടീമിനൊപ്പം ജര്‍മ്മനി, ഇന്ത്യനേഷ്യ, ഇറാക്ക് എന്നീ രാജ്യങ്ങളിലെ മിലിറ്ററി ടീമുമായി സൗഹൃദ മത്സരങ്ങളും കളിച്ചിട്ടുണ്ട്. 1970ല്‍ വ്യോമസേനയില്‍ നിന്ന് വിരമിച്ച ശേഷം താജ് ഗ്രൂപ്പിലെ ചീഫ് സെക്യൂരിറ്റി ഓഫീസറായി പ്രവര്‍ത്തിച്ചു. തുരുത്തേല്‍ വട്ടമറ്റത്തില്‍ പരേതയായ ശാന്തമ്മയാണ് ഭാര്യ. മക്കള്‍: ഷൈല, ഷെര്‍ലി, യോഹാന്‍ ചാക്കോ, മരുമക്കള്‍: റെയ്‌നോള്‍ഡ് ലൂയിസ് , സുനില്‍ സെട്രിന്‍, ഡോ.ആനി ചാക്കോ.
പ്രതികരിക്കാൻ ഇവിടെ എഴുതുക: